Martes (chenero)
- Iste articlo ye sobre un animal mamifero carnivoro; ta atros usos, se veiga Martes (desambigación).
| Martes | |
|---|---|
 | |
| Denominacions populars | |
fuina / foina, fuyina | |
| Clasificación cientifica | |
| Animalia | |
Filo: |
Chordata |
| Mammalia | |
| Carnivora | |
| Mustelidae | |
| Martes (chenero) | |
| Descripción | |
| Especies | |
| Especies de Martes | |
As fuinas[1][nota 1] (nombre cientifico Martes) ye un chenero de mamiferos carnivoros adintro d'a familia d'os mustelidos. As fuinas son mamiferos carnivoros emparentatos con os furons, as paniquesas y as nurias. Muitas d'as especies son arboricolas, estando buenas cazaderas d'esquiruelos, muixons y animals chicotez. As fuinas son os solos mamiferos defuera d'os felidos que tienen unglas retractils.
Estudios recients sobre lo suyo DNA amostroron que lo chenero Martes ye fuertement emparentato con os cheneros Eira y Gulo d'America d'o Norte. Tamién se'n ye puesto saber que as especies Martes pennanti y Martes americana, tradicionalment clasificatas como miembros de Martes, en verdat no i habrían d'estar clasificatas pus que habrían de constituir un altro chenero propio.
Nombre popular
[editar | modificar o codigo]En cuasi tot l'aria aragonesofona d'Aragón se i reconoix as especies miembros d'iste chenero con o nombre popular de fuinas[2] (u bella variant, como «foína»[2] u «fuyina»[2][3]), sin d'excepcions. Pareix que o termín «marta», que en altras luengas romances s'emplega ta designar a especie Martes martes, en Aragón no i conoix tanto uso (anque tamién s'ha puesto documentar[2]) y se i gosa preferir o termino «fuina de papo amariello»[2] u bella forma adchectivada similar cuan se i quiere fer referencia.
Especies
[editar | modificar o codigo]- Martes americana - Fuina americana.
- Martes flavigula - Fuina papisora.
- Martes foina - Fuina de papo blanco u fuina parda (present en Aragón).
- Martes gwatkinsii - Fuina de Nilgiri.
- Martes martes - Fuina de papo amariello, fuina marta u fuina fina (present en Aragón).
- Martes melampus - Fuina chaponesa.
- Martes pennanti - Fuina pescaire.
- Martes zibellina - Fuina cibelina.
Notas
[editar | modificar o codigo]- ↑ Con as variants foina y fuyina.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- 1 2 3 4 5 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7
- ↑ (es) BLAS GABARDA, Fernando et ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008. ISBN 978-84-8094-061-0
Vinclos externos
[editar | modificar o codigo]
Wikispecies tiene un articlo sobre Martes.
Se veigan as imáchens de Commons sobre as fuinas.
| Control d'autoridaz |
|
|---|
