María de Chipre

De Biquipedia
Ir a la navegación Ir a la búsqueda
María de Chipre
Reina consort d'Aragón
Col elionor.jpg

1315 - 1319
Predecesor Blanca de Nápols
Succesor Elisenda de Montcada

Naixencia 1279
Muerte 1319
Tortosa
Enterreco Seu de Barcelona
Conchuche/s Chaime II d'Aragón
Pai Hugo III de Chipre

Escudo de María de Chipre

María de Chipre u María de Lusignan naixita en l'anyo 1279 y muerta en Tortosa en 1319, estió princesa de Chipre y reina consorte d'a Corona d'Aragón entre 1315 y 1319 por su matrimonio con Chaime II d'Aragón.

Biografía[editar | editar código]

Filla d'Hugo III, rei de Chipre y de Cherusalén y d'Isabel d'Ibelín. Yera nieta por vía paterna d'Henrique de Poitiers y Isabel de Lusignan y por vía materna de Guido d'Ibelín y Felipa de Berlais. Chirmana d'o senescal de Chipre Felipe d'Ibelín.

O 15 de chunio de 1315 se casó por poders con Chaime II en a seu de Santa Sofía de Nicosia y en persona o 27 de noviembre d'o mesmo anyo en a seu de Chirona. No tenió descendencia.

Murió o mes de setiembre de 1319 en Tortosa.

Sepultura[editar | editar código]

Sepulcre d'a reina María de Chipre, muller de Chaime II d'Aragón, en a Seu de Barcelona.

En morir a reina, o suyo cadáver recibió sepoltura en o Convento de Sant Francisco de Barcelona, a on a o largo d'a Edat Media fuoron apedecaus a-saber-los miembros d'a familia reyal aragonesa, como o rei Alifonso III d'Aragón. Astí permaneixió apedecau o cadáver d'a muller de Chaime II mientres quantos sieglos, dica que en 1835 o Convento de Sant Francisco fue espaldau, y a mayoría d'as restas d'as personas reyals que se i trobaban, incluyindo a reina María de Chipre, fuoron tresladaus enta a Seu de Barcelona.

En o sieglo XX, as restas d'a reina fuoron ficadas en un sepulcre, en o costau ezquierdo de l'Altar Mayor d'a Seu de Barcelona, a on tamién se troban as restas mortals d'atras dos reinas d'Aragón, a reina Constanza de Secilia, muller de Pero III d'Aragón, y a reina Sibila de Fortià, quarta muller de Pero IV d'Aragón. En o mesmo sepulcre tamién descansan as restas d'a reina Alionor d'Aragón, reina de Chipre por o suyo matrimonio con Pero I de Chipre, y nieta de Chaime II d'Aragón. Os sepulcres, en os que as restas d'as reinas fueron ficadas en 1998, fuoron reyalizaus por l'artista catalán Frederic Marès.

Bibliografía[editar | editar código]

  • (es) "Sepulcros de la Casa Real de Aragón". Ricardo del Arco y Garay. Instituto Jerónimo Zurita. Consejo Superior de Investigaciones Científicas, 1945. Madrid. OCLC 11818414


Predecesora:
Blanca de Nápols
Reina consort d'Aragón
1315 - 1319
Succesor:
Elisenda de Montcada