Constanza de Sicilia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Constanza de Sicilia
Reina consort d'Aragón
Reina consort d'Aragón
1276-1302
Reina de Sicilia
1282-1302
Naixencia	1249 Catania
Muerte	9 d'abril de 1302 Barcelona
Predecesor	Teresa Chil de Vidaurre
Succesor	Isabel de Castiella
Conchuche/s	Pero III d'Aragón
Descendencia	Alifonso III d'Aragón Chaime II d'Aragón Isabel de Aragón Federico II de Sicilia Violant d'Aragón y Sicilia Pero d'Aragón y Sicilia
Dinastía	Hohenstaufen
Pai	Manfredo de Sicilia

Constanza de Sicilia u Constanza de Suabia (Sicilia, 1249 - Barcelona, 1302) estió reina consort d'Aragón (1276-1302) y reina de Sicilia (1282-1302).

Biografía

Yera filla de Manfredo I de Sicilia y de Beatriz de Saboya. Nieta de l'emperador Frederico II por parti paterna y d'o conte Amadeo IV de Saboya por parti materna. En 1262 se casó con o infante Pero, que mas tardi se convertiría en o rei Pero III d'Aragón. Iste matrimonio, que sellaba l'alianza entre Aragón y Sicilia, sirvió ta estendillar a influyencia aragonesa en a Mediterrania central en perchudicio d'os intreses franceses.

Cuan Carlos d'Anchú prenió a cadiera de Sicilia en 1266 a Manfredo I, os prencipales chefes d'os chibelinos secilianos se refuchioron en a cort aragonesa, entre éls as familias d'os Lanza, Lauria y Procidas. Cuan se produció a revuelta d'as Viespras sicilianas en 1282, o rei Pero pidió a man de Constanza, heredera d'o reino, y os dos fuoron coronaus como reis de Sicilia. Pero encargó o gubierno d'a isla a la reina y a os infants Chaime y Frederico, encara que Constanza prefirió deixar o gubierno en mans d'os suyos fillos. En 1285 quedó viuda y en 1297 se tresladó enta un convento de clarisas en Barcelona, a on murió en 1302.

Sepultura

Sepulcre d'a reina Constanza de Sicilia, muller de Pero III o Gran, en a Seu de Barcelona.

A la muerte d'a reina, o suyo cuerpo sin vida fue apedecau en o Convento de Sant Francisco de Barcelona, a on a o largo d'a Edad Meya fuoron enterrecaus a-saber-los miembros d'a familia reyal aragonesa, incluyindo a o propio fillo de Constanza de Sicilia, Alifonso III o Liberal. Astí permaneixió o calabre d'a muller de Pero III mientres cuantos sieglos, dica que en 1835 o Convento de San Francisco fue espaldau, y a mayoría d'as restas d'as personas reyales astí sepultadas, incluyindo a la reina Constanza y a o suyo fillo Alifonso, fuoron tresladaus a la Seu de Barcelona.

En o sieglo XX, as restas d'a reina fuoron ficadas en un sepulcre, en o canto ezquierdo de l'Altar Mayor d'a Seu de Barcelona, en o que tamién se troban as restas mortals d'atras dos reinas d'Aragón, a reina María de Chipre, muller de Chaime II d'Aragón, y a reina Sibila de Fortiá, cuarta muller de Pero IV o Ceremonioso. En o mesmo sepulcre tamién descansan as restas d'a reina Alionor d'Aragón, reina de Chipre por o suyo matrimonio con Pero I de Chipre, y nieta de Chaime II d'Aragón. Os sepulcres, en os que se ficoron as restas d'as reinas en 1998, fuoron realizaus por l'artista catalán Frederic Marès.

Matrimonio y descendencia

Escudo.

A voda entre Constanza y Pero se celebró en a seu de Montpeller o 13 de chunio de 1262. D'iste matrimonio naixioron os siguients fillos:

• Alifonso III d'Aragón (1265-1291), rei d'Aragón, Valencia, Mallorca y conte de Barcelona.
• Chaime II d'Aragón (1267-1327), rei d'Aragón, Valencia, Mallorca, conte de Barcelona, rei de Cerdenya y de Sicilia.
• A infanta Isabel de Aragón (1271-1336), Santa Isabel de Portugal, reina consort de Portugal por o matrimonio en 1288 con Dionisio I de Portugal.
• Frederico II de Sicilia (1272-1337), rei de Sicilia.
• A infanta Violant (1273-1302), casada en 1297 con o infant Roberto de Nápols, futuro Roberto I.
• O infant Pero d'Aragón (1275-1291).

Bibliografía

• (es) "Sepulcros de la Casa Real de Aragón". Ricardo del Arco y Garay, 1945, Instituto Jerónimo Zurita. Consejo Superior de Investigaciones Científicas. Madrid. OCLC 11818414.

Enlaces externos

• Se veigan as imáchens de Commons sobre Constanza de Sicilia.

Referencias

• Datos: Q286537
• Multimedia: Constance of Sicily, Queen of Aragon / Q286537