Linache d'os Ferrández d'Heredia
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Los Ferrández d'Heredia estioron una de las casas nobles d'Aragón mes influyents. Fue reconoixita por Carlos I d'Espanya en las Corz de Monzón de 1528 como una de las ueito casas "grans d'Aragón", y son destacables representants d'esta familia lo gran mayestre hespitalero Chuan Ferrández d'Heredia y l'arcebispe de Zaragoza García Ferrández d'Heredia.
Prenen nombre de la localidat alabesa d'Heredia d'on debeban provenir. Lo fundador d'esta casa estió Lorenzo Ferrández d'Heredia, sinyor de Zurita a principios de lo sieglo XIV. Los dos fillos suyos encomenzoron las dos brancas principals, la de Blasco Ferrández d'Heredia y la de Chuan Ferrández d'Heredia, a la que pertanyoron los contes de Fuents. Dimpués bi habrá brancas d'os Ferrández d'Heredia en Tosos, Calatayú, Calatorau, Burbaguena y L'Almunia de Donya Godina. Atros títols que han perteneixito a los Ferrández d'Heredia han estato los de Marqueses de Mora y Cosculluela y sinyors de Cetina.
En la branca de lo hespitalero Chuan Ferrández d'Heredia los miembros hereus se diciban con él, como yera establito en lo suyo testamento, con la obligación de levar las suyas armas, cinco u siet castiellos. Dende l'anyo 1459 son contes de Fuents, condau que incluyiba las localidaz de Fuents d'Ebro, Mediana d'Aragón, Fuent de Todos, Exaulín, María de la Uerba y Botorrita.
Vinclos externos[editar | modificar o codigo]
- Articlo en la G.E.A sobre lo linache de los Ferrández d'Heredia
- Articlo en la G.E.A solapato con l'anterior y con atro títol