Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O Sayagués ye a parla comarcal asturleyonesa se charraba en a tierra de Sayago, entre o Duero yo Tormes. Estió a base d'una imitacón d'a parla rustica en un periodo d'a literatura castellana, y dica Ana Abarca de Bolea deciba sayagüés a l'aragonés que escribiba. A prencipios d'o sieglo XX a "Enciclopedia Espasa" lo mencionaba como una parla viva. Huei ya no se charra pero a chent viella d'ixe terreno en conserva muitas palabras y expresions.
Bi heba muitas palabras a on se conservaba a F- inicial: fumo, formiga, figo, firía ("ferida"), fiedor ("pudor"), fediondo, faya ("montanya con cinglos"), pero debant de diftongo -ue- s'aspiraba: huerte, huera.
A o final cierra en u, a diferencia d'a imitación que se'n feba en a poesía de Herrera Gallinato: torrenu, piñus, curvillu, melrriu ("miarla").
A e final cierra en i: cavineti, trelvis ("estreudes"), joci.