Lens culinaris

Este articlo trata sobre a lentilla que ye un legumen. Ta la lent oftalmica se veiga lent de contacto.

Lens culinaris
Lens culinaris
Denominacions populars
lentillera / llentillera
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Fabales
Familia:	Fabaceae
Chenero:	Lens (chenero)
Especie:	L. culinaris
Descripción
Lens culinaris L., 1758

A lentillera (nombre cientifico Lens culinaris (L., 1758)) ye una planta herbacia en a familia d'as Fabaceae caultivata ta l'alimentación. A lentillera fa dica 40 cm d'altaria, con brancas feblas, con fuellas composadas que s'ixarramican alternando-se per cada costato d'o tallo central. Os foliolos son oblongatos y la fuella tiene un farfiello terminal que se gosa trobar en forma vestichial. As flors son blancas con nervadura color vrioleta, unicas (no en racemos, como en altras especies) y fa las simients per parellas en una tabelleta (vaina) bofa de volumen.

As lentilleras, como tamién pasa con altras fabacias de mata chiqueta como os garbanzos u l'alfalz (y a diferencia d'as especies mas grans, como chodigueras y bisalteras), son un caultivo de secano. Per ixo han gosato tener tanta importancia en os puestos a on no b'existen guaires reganos.

A suya simient, a lentilla u lentella, tiene forma arronchadeta, chiqueta (no mas d'1 cm de diametro) y aplanada sobre lo suyo diametro, fendo la forma d'una lent biconvexa (d'o latín lens, deminutivo lenticŭla) y ye d'ixo que demana lo nombre.

Lentellas cuetas.

Altras especies relacionatas

• Alfalz.
• Bisalto.
• Chodiga.
• Faba.
• Garbanzo u arbanche.
• Guixón (simient d'a guixa).
• Soya.

Se veiga tamién

• Fabaceae.
• Forqueta.
• Legumen.
• Regano.
• Secano.

Vinclos externos

• Wikispecies tiene un articlo sobre Lens culinaris.
• Se veigan as imáchens de Commons sobre lentellas y lentilleras.

• Datos: Q131226
• Multimedia: Vicia culinaris / Q131226
• Especies: Lens culinaris