Lathyrus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lathyrus
Lathyrus sativus, guixera autoctona d'Europa que fa guixas comestibles.
Denominacions populars
Guixeras, guiheras, guicheras, guiseras
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Fabales
Familia:	Fabaceae
Subfamilia:	Faboideae
Tribu:	Vicieae
Chenero:	Lathyrus
Descripción
Lathyrus L., 1753

Lathyrus ye un chenero de plantas dicotiledonias en a familia d'as fabacias y a subfamilia d'as vicias, de regular con port herbacio u arbustivo, con un grant numer d'especies en Eurasia, Nordamerica y partes d'Africa. En aragonés, reciben de forma predominant o nombre popular de guixeras por as simients comestibles que producen (pareixidas a os bisaltos); as guixas u guixons.

Anque de regular son plantas bordes (silvestres) y se consideran bastos como legumbres ta consumo humán, cualques especies, como L. sativus, son cautivadas y s'emplegan regularment como complemento a l'alimentación d'os ganaus domesticos. Esporadicament, mas que mas en epocas de carestía, as simients d'ixas especies s'han gosau emplegar tamién ta l'alimentación humana.

Descripción

As especies miembros de Lathyrus solen estar plantas herbacias u, menos vegadas, arbustos. Tienen tallos rectos, con as fuellas separadas cualque cosa.

As fuellas son composadas, imparipinnadas, con un raquis que remata en un farfiello u, las menos vegadas, en un foliolo. A mayoría d'especies tienen espiculas en a base, que gosan estar muit voluminosas en bels casos. A color ye verde, mate anque intensa, y recuerda l'aspecto y o tacto de belatras fabacias herbacias, como l'alfalz, anque os foliolos gosan estar mas lanciolaus y luengos que es de l'alfalz.

As caracteristicas flors labiadas d'as fabacias, en os miembros d'iste chenero son grans, solitarias, y de color rosa u morada, a-sobén con tonalidaz intensas y muit visibles contra la vechetación.

Son plantas frecuents por tot Aragón, a Peninsula Iberica, y en cheneral en a cuenca mediterrania, y amaneixen en as marguins d'os camins y d'as cequias, en os feneros, y tamién como pestes en bels cautivos domesticos.

Fitonimia

En Aragón, a palabra guixera ye con diferencia la que mas s'emplega ta referir-se a istas plantas. En buena cosa d'o territorio se a troba en a suya variant castellanizada «guijera», estando a forma «guija» a que por mas localidaz se recopila ta'l suyo fruito. Existe tamién as variants guicha y guisa.

Por o pareixiu que tiene con as suyas parients as arvellas (chenero Vicia), tamién recibe a sobén ixe nombre, de forma erronia.

Imáchens

• 
  Guixas
• 
  Tabellas de guixons.
• 
  L. sylvestris
• 
  L. odoratus, o bisalto d'olor. Tamién ye un miembro d'iste chenero.

Vinclos externos

• Se veigan as imáchens de Commons sobre Lathyrus.
• Wikispecies tiene un articlo sobre Lathyrus.

• Datos: Q157209
• Multimedia: Lathyrus / Q157209
• Especies: Lathyrus