Laco Baikal

De Biquipedia
Articlo d'os 1000
Baikal
Байкал

Isla d'Oljón
Administración
País Rusia
Estau
Provincia
Comarca
Municipio
Cheografía
Tipo
Orichen
Superficie 31.494 km²
Superficie ha
Altaria 456 m
Longaria 636 km
Amplaria 79 km
Fondura 1.637 m
Volumen 23.615.390 hm³
Hidrografía
Fuent 336, entre los que cal destacar os rios Selengá, Jilok, Chikói, Barguzín, Udá y l'Angará Superior.
Desagüe
Desagües Río Angará


O laco Baikal (en ruso: Озеро Байкал; Ozero Baykal) ye un laco d'orichen tectonico, localizau en a rechión sud de Siberia, en Rusia, entre l'óblast d'Irkutsk en o norueste y Buriatia en o sudeste, amán d'a ciudat d'Irkutsk. O suyo nombre deriva d'o tartaro «Bai-Kul», laco rico. Tamién lo conoixen como lo Uello azul de Siberia y A Perla d'Asia por a calidat d'as suyas auguas, que yera d'as millors d'o planeta y que se ye perdendo actualment a causa d'a contaminación.

En o Baikal desauguan un total de 336 ríos y lo Baikal fa parte d'o sistema fluvial Yenisei-Angará-laco Baikal-Selengá-Uder, con una largaria de 5.539 km, considerando-se que ye lo cinqueno río mas largo d'o planeta, dezaga de l'Amazonas, o Nilo, o Yangtze y lo Misisipi-Missouri.

Se tracta d'uno d'os lacos con un menor index de turbideza d'o mundo, con auguas bien transparents con rechistros superiors a los 20 metros en emplegando los discos Secchi ta mesurar-la. Con o suyo gran volumen d'augua dulza, se considera que en o laco se i conserva alto u baixo lo 20% de l'agua dulza d'o planeta en estau liquido, aparte d'o chelo. D'atra man, con una fondura maxima de 1.680 metros ye lo laco mas fondo d'o mundo. Finalment, con una antiguidat d'alto u baixo 25 millons d'anyadas, ye lo laco mas antigo d'a Tierra.

En a redolada d'o laco i viven bellas 1.700 especies de plantas y d'animals, estando las dos terceras parts endemismos que no se troban en garra atro puesto. Ye considerau como Patrimonio Natural d'a Humanidat (parte d'o Patrimonio d'a Humanidat) seguntes a UNESCO, dende l'anyo 1996.[1]

Referencia[editar | modificar o codigo]

Vinclos externos[editar | modificar o codigo]