Río Yangtze
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Yangtze 扬子江 | |
|---|---|
| |
Administración
| |
| Estaus |  China
|
| Territorios | |
Cheografía
| |
| Longaria | 6.300 km |
| Altaria d'o naixedero | 6.621 m |
| Naixedero | Qinghai y Tibet |
| Desembocadura | Mar de China Oriental |
Hidrolochía
| |
| Superficie d'a cuenca | 1.800.000 km² |
| Cabal meyano | 31.900 m³/s |
Mapa
| |
 | |
O Yangtze (en chinés 扬子江, en pinyin ) ye un río de l'Asia oriental, actualment conoixito tamién como Chang Jiang (en chinés 长江, en pinyin ), que quiere decir "o Gran Río". En tibetano se diz Drichu (འབྲི་ཆུ་), u río d'o yak fembra. Atros nombres que recibe en o suyo recorrito son os siguients: Dangqu (当曲), Tuotuo (沱沱河), Tongtian (通天河), Jinsha (金沙江) y, a la fin, Yangzi (扬子江), que ye como se'n diz en o trampo final entre Yangzhou y Zhenjiang en a provincia de Jiangsu, amán d'a desembocadura. Como iste zaguer estió lo primer nombre que sintioron os misioners y comerciants occidentals, estió lo que s'aplicó a tot o río en as luengas europeas. En chinés, Yangzi Jiang se considera o nombre historico u poetico d'o río. Amás, en os países castellanoparlants, en Francia y Italia, se'n diz tamién Río Azul, probablement iste nombre lo inventoron en Francia ta diferenciar-lo de l'atro gran río de China: o río Amariello.
Ye o tercer río mas largo d'o mundo dimpués de l'Amazonas y d'o Nilo y o segundo de mas cabal dimpués de l'Amazonas. Naixe en l'altiplán d'o Tibet, trescruza China d'ueste enta l'este y desemboca en un gran delta en a mar de China Oriental, a lo norte d'a ciudat de Xangai. A suya cuenca hidrolochica ye un 18% d'a superficie d'iste amplo país en os que bi ha mas de 200 especies de peixes.
Ye navegable en mils de kilometros; como eixemplo, premite que a ciudat mas gran de China, Chongqing, que ye amás de 1.000 km d'a mar, i tienga un puerto. Tien una gran importancia economica, como vía de comunicación, como fuent de recursos naturals (pesca, menería) y como fuent d'augua potable ta os reganos y a población.
Mugant a la ciudat de Sandouping, en o distrito de Yiling, bi ha presa d'as Tres Foces, una d'as obras d'incheniería mas grans que s'han feito nunca y a mayor productora de electricidat d'o mundo, que ye tenendo un gran impacto tan negatigament como positivament en os aspectos economico, social, ecolochico y politico.
Ciudaz mas importants[editar | modificar o codigo]
A cuenca d'o río Yangtze pasa por istas grans ciudaz:
Se veiga tamién[editar | modificar o codigo]
- Huang He u río Amariello.
- Gran Canal de China.
Bibliografía[editar | modificar o codigo]
- Van Slyke, Lyman P. 1988. Yangtze: naturaleza, historia, y el río. Stanford Book. ISBN 0-201-08894-0
- Winchester, Simon. 1996. The River at the Center of the World: A Journey up the Yangtze & Back in Chinese Time, Holt, Henry & Company, 1996, tapa dura, ISBN 0-8050-3888-4; edición rustica, Owl Publishing, 1997, ISBN 0-8050-5508-8; edición rustica, St. Martins, 2004, 432 pachinas, ISBN 0-312-42337-3
Vinclos externos[editar | modificar o codigo]
Se veigan as imáchens de Commons sobre Río Yangtze.
