Río Nilo

Nilo النيل
Administración
Estatos	Sudán, Burundi, Ruanda, Congo, Tanzania, Kenia, Uganda, Etiopía y Echipto
Territorios	{{{territorios}}}
Cheografía
Longaria	6.650 km
Altaria d'o naixedero	1.134 m
Naixedero	Laco Victoria
Desembocadura	Mediterranio
Hidrolochía
Superficie d'a cuenca	3.400.000 km²
Cabal meyano	2.830 m³/s

O Nilo (النيل en arabe, d'o griego "Nelios", val de río), ye o río más largo d'Africa, con una longaria de 6.650 km dende o suyo naixedero dica a suya desembocadura en a Mar Mediterrania. Dica fa pocas anyatas yera considerato como o río más largo d'o mundo, pero hue se diz que o río más largo d'o mundo ye o río Amazonas.

Fluye a traviés de Burundi, Uganda, Sudán, Ruanda, Congo, Tanzania, Kenia, Etiopía y Echipto, drenando as auguas d'una cuenca hidrolochica con una superficie de 3.400.000 km² dende o suyo naixedero en o laco Victoria dica desauguar en a mar Mediterrania, dimpués de trescruzar Africa dende o sud enta o norte, con un cabal meyo de 2.830 m³/s. Os suyos dos afluyents prencipals son o Nilo Azul y o Nilo Blanco.

Naixedero

O Nilo Blanco tien o suyo naixedero en a rechión africana d'os Grandes Lagos d'Africa, y o Nilo Azul naixe en o Laco Tana en Etiopia.

Partes d'o rio Nilo

• Nilo Azul, dende o prencipio d'o Nilo en o Laco Victoria dica Kartum.
• Nilo Blanco, dende o Laco Tana en Etiopia dica o forcallo con o Nilo Azul en Kartum.
• Nilo Meyo dende Kartum dica Assuan.
• Nilo Inferior dende Assuan dica la suya desembocadura en o Delta d'o Rio Nilo.

O Nilo en pasando per Kom Ombo.

As creixitas d'o Nilo

Enantes d'a construcción d'a Presa d'Assuan en Echipto se percibiban as creixitas anyals d'o río como conseqüencia d'a estación de plevias auguas ent'alto. As creixitas d'o Nilo son mencionatas en os textos antigos y medievals, y se troban en a traducción aragonesa de "La Flor de las Ystorias d'Orient":

el Rio de nill crece vna vegada en el anyo et comiença a crecer mediant agosto et va creciendo entro a la fiesta de sant miguel et quando es crecido ta(n)to como puede la gent de la tierra dexan correr las aguas por las ceq(u)ias et por los lugares ordenados et Riegan todas las encontradas et esta la agua sobre la (a) tierra .xl. dias apres la tierra dessota et la gent siembran et plantan et todos bienes creçen en aquella t(ie)rra por aquella abeuramiento tan solament car en aquellas partidas no plueue ni nieua assi q(ue) apenas conoce hombre estiu ni el yuierno encara los habitador(e)s de egipto tienen vna colona de marmol en medio del Rio de nill en vna chica ysla qui es deuant la ciudat de mesor et han fecho senyales en aq(ue)lla colona et qua(n)do el Rio es creçido tanto como puede ellos guardan en aquellos senyales et segunt que la agua sera crescida ellos sabra(n) si auran abunda(n)c'ia o fretura aquel anyo et sobre aquesto ellos meten preçio alas coses

Se veiga tamién

• Entibo d'Asuán.

Vinclos externos

• Se veigan as imáchens de Commons sobre o río Nilo.