La Salce

La Salce
Despoblau medieval d'Aragón
Ermita de Sant Miguel de Villafermosa, a on se suposa que yera l'aldeya de La Salce.
Entidat  • País  • Provincia  • Comarca  • Municipio	Despoblau medieval  Aragón  Teruel Xiloca Villafermosa
Población  • Total	0 hab. (2008)
Altaria  • Meyana	980 m.
Codigo postal	44494
Coordenadas	41° 6’53’’N 1°12’42’’U
La Salce La Salce en Aragón

La Salce ye un lugar despoblato de la provincia de Teruel, situato en lo municipio de Villafermosa que perteneixió a la Sexma de Trassierra y pagaba las decimas y primicias a la Ilesia de Sant Chuan de Daroca u a la Ilesia de Sant Per de Daroca.

Historia

Se'n fa mención chunto con atra aldeya homonima en lo texto d'adchudicación de decimas y primicias de 1205 de Remón de Castrocol que figura en lo "Libro Vermello":

Clerici et ecclesia Sancti Petri habent Olalia, Pelarda, Fuentesclaras, Villargasconem, Lectago, Luco, Tramasaquas, Salze, Villalpardo, Torralva del Senyor, Badules, Tordenigris, Ferrera.

Clerici ecclesiea Sancti Johannes, habent Portelrubeo, Tuera, Las Casas, Collados, Manchones, Salze, Murero, Baselga, Aldea Dominico Ferrero, Ceyda.

Segunt Pedro Pruneda La Salce y atros lugars de la Comunidat de Daroca quedoron despoblaus por la Guerra de los Peros.

En lo "Libro de manifestación de lo Morabetín de la Comunidat de Daroca" (1373) lo escriben como La Salçe:

Esti día mismo, en el lugar de La Salçe, antel dito procurador. fueron clamados García Blasco et Climent Pérez, jurados del dito lugar, ante los cuales fueron leydas todas las cosas sobre ditas et regreydas.

A primers de lo sieglo XV quan en 1409 Benedet XIII concede a gracia de lo quinto decimero a la fabrica de la Seu de lo Salvador de Zaragoza y lo aplican en 1412 mencinan La Salze.

Las aldeyas de La Salce y Baselga segurament fuoron eclixadas por la fundación de Villafermosa en las suyas tierras. Dimpués de lo sieglo XVI se fa mención de La Salce como una "pardina". Encara en parlaba Ignacio de Asso en lo sieglo XVIII en la suya "Historia de la economía política de Aragón".

Referencias

Lugars desapareixius de Villafermosa
Baselga | La Salce