La Vega d'Albarracín

De Biquipedia
(Reendrezau dende La Bega d'Albarrazín)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
La Vega d'Albarracín
Despoblau d'Aragón
Entidat
 • País
 • Provincia
 • Comarca
 • Municipio
Despoblau
 Aragón
 Teruel
Sierra d'Albarracín
Albarracín
Partiu chudicial Teruel
Población
 • Total

0 hab.
Distancia
 • 1,4 km
 • 36 km

enta Albarracín
enta Teruel
Codigo postal 44100
Parroquial
 • Diocesi
 • Arcipestrau

Teruel y Albarracín
Albarracín
Coordenadas
La Vega d'Albarracín ubicada en Aragón
La Vega d'Albarracín
La Vega d'Albarracín
La Vega d'Albarracín en Aragón

La Vega d'Albarracín (La Vega en castellano), ye un casal[1] de lo termin municipal d'Albarracín (Sierra d'Albarracín, provincia de Teruel).

Toponimia[editar | modificar o codigo]

Lo toponimo La Vega d'Albarracín ye transparent en aragonés y fa referencia a la ribera de lo río Guadalaviar. Actualment recibe la denominación de La Vega, que no ofreixe problemas d'identificación a escala local.

Se documenta como vega de Albarracín en textos medievals relacionaus con los monches de lo Monesterio de Piedra:

...casas y vna pieca sitia en la vega de Aluarrazin, en la partida clamada el Regacho, allias la Canaleja, y deffesa de Aluarrazin...[2]

La parola vega ye un sinonimo de ribera derivau de lo basco ibaiko (relacionau con ibai, "río"). Esta parola ya se documenta como elemento romanz en lo latín medieval d'Aragón[3] en la zona de Magallón y tenió uso en aragonés medieval, estando d'uso normal en la microtoponimia d'a on se charraba l'aragonés d'as comunidaz aragonesas.

Cheografía[editar | modificar o codigo]

La Vega d'Albarracín ye en un ixamplamiento que ha feito lo Guadalaviar en las archilas y chesos de facies Keuper que bi ha salindo de lo zaguer recolón que ha feito este río en las calsineras d'edat churasica y que rodeya la ciudat amurallada d'Albarracín[4]. Lo cheso royenco de facies Keuper que aflora en la redolada de la Vega s'ha feito servir en la construcción d'edificios d'esta ciudat. Pocos km auguas entabaixo de La Vega deixa d'aflorar lo Keuper y lo Guadalaviar torna a estretir-se en materials churasicos dica Exea d'Albarracín.

Puestos d'intrés[editar | modificar o codigo]

Referencias[editar | modificar o codigo]

  1. (es) Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. p 710.
  2. (es) Concepción de la Fuente Cobos: Libro de apeos del monasterio de piedra (1344). libro de cuentas de la bolseria del monasterio de piedra (Fuentes históricas aragonesas. Fuentes históricas aragonesas, 31. Institución Fernando el Católico, 2001, p 38.
  3. (es) María Rosa Fort Cañellas: Léxico romance en documentos medievales aragoneses: siglos XI y XII. Gobierno de Aragón, Departamento de Educación y Cultura, 1994.
  4. (es) José Luis Peña Monné, Luis Alberto Longares Aladrén, Marta Espinalt Brillas: Paisajes naturales de la provincia de Teruel. Guía del medio natural. Instituto de Estudios Turolenses, 2000. ISBN 84-86982-97-9. pp 50-51.