Khan

O emperador chinés Kublai Khan (1215-1294).

Khan ye un títol d'orichen turquico preso por atros pueblos de las estepas como los mongols que significa sobirán maximo. En las luengas turquicas se mete dimpués de lo nombre.

A sobén se trascribe en las luengas occidentals como "khan" porque ni en francés ni en anglés esiste lo sonito Fricativa velar xorda (que tampoco no ye propio de l'aragonés]], pero se representa actualment en bels castellanismos con a letra j) y lo trascriben como "kh". En aragonés medieval este fonema no existiba y s'adaptaba como "g", (garrofera), u como en este caso como "c", (como en catalán maco). En turco moderno d'Anatolia s'escribe s'escribe han.

Una de las primeras referencias conoixitas de l'emplego d'este títol ye por los rouran; tamién ye posible que los xianbei lo fesen servir antes. En ixe tiempo lo títol se pronunciaba khagan. Lo sonido /g/ se fue enfeblindo dica convertir-se en jaan en mongol moderno. Los sobirans avaros y khazaros feban servir lo títol de khagan.

En La Historia Secreta de los Mongols diferencian clarament khaghan de khan: només que a Temüjin (Chenguis Khan) y a los descendients suyos los dicen khaghan ("khan de khans"), mientres que atros gubernants yeran tractatos con lo títol de khan només.

Khan ye tamién un de los lumerosos títols emplegatos por los soldans otomans, tamién por los sobirans de la Horda d'Oro y entidaz que en yeran continadoras. Entre los turcos selchuquís yera lo títol que feban servir los cabos de tribu u clan, y yeran chusto de chos d'atabeg. Lo mesmo se desveniba entre los manchús (que lo pronunciaban han). Los reis de Silla, un antigo reino en l'actual Corea, feban servir lo títol de Marib Khan o "capeza de los reis". Por eixemplo, lo rei Naemul yera dito Naemul Marib Khan.

Los estatos gubernatos por un khan se dicen khanatos.

Referencias

• Datos: Q181888