Joan Parramón Fornos

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Joan Parramón Fornos

Información personal
Calendata de naixencia	1951
Puesto de naixencia	Barcelona
Ocupación	Pintor

Joan Parramón Fornos (Barcelona, 1951) ye un pintor barcelonés con ascendencia de Mequinenza (Zaragoza). Actualment tiene o suyo taller artistico en o espacio Nauart de Barcelona y ha realizau numerosas exposicions tanto a livel nacional como internacional.

Formación

A suya educación artistica dende 1980 dica 1984 estió en o taller-escuela de Gonzalo Beltrán, artista sevillano afincado en Barcelona que poco dimpués se convertiría en catedrático de dibuixo en a Escuela d'a Lonja de Barcelona. Entre ista etapa Parramón treballa intesamente o dibuixo d'o natural y a pintura a o óleo.

Trayectoria

Poco dimpués empecipia a realizar exposicions individuals y colectivas en diferents centros civicos, librerias y espacios culturals de Barcelona que le conducen a las suyas primeras exposicions importants. En aviento de 2009 fa a devantadera a suya muestra "Fluir como el agua" en o ret03 Art Gallery de Barcelona a la cual le acompanyasen atras exposicions colectivas en a Galeria PASPARTU u a Sala Llotja de Reus (Tarragona).^[1]

En 2012, as suyas obras viacheyan a Nueva York con a muestra conchunta "From Barcelona to New York" comisariada por a Montserrat Gallery. En os anyos siguients, Parramón desembolica diversos tallers ubiertos en o barrio de Gràcia de Barcelona con a Galería Untitled y as suyas obras viacheyan a livel internacional, dende a Feria Internacional d'Arte Kolner Liste de Colonia (Alemanya) a la Galería Elzevir de París (Francia) pasando tamién por a exposición individual "Dialogo de partículas" en o Auditori Barradas de l'Hospitalet de Llobregat.

Entre os anyos 2012, 2014 y 2015 participa en o prochecto neoyorkino "Annual Postacards from the Edge". A partir d'iste momento instala o suyo taller en Nauart Espacio de Creyación y participa en diversas exposicions como que "Barcelona Abstracció" u una muestra d'as suyas abstraccions en o Gran Hotel París de Figueres (Girona).^[2]

A partir de 2016, Parramón se centra en as suyas exposicions temporals como que "Buscando a forma d'o universo" que puede veyer-se en Relacionar-te Galería d'Arte y Convent de Sant Salvador d'Horta de Sant Joan (Tarragona) y participa en prochectos colectivos como que "Melodies de Barcelona" d'a Blue Project Foundation. Organiza y participa en octubre de 2016 en "Migracions" d'o Centre Civic Barceloneta asinas como en a BCN INT'L ART FAIR en o Museo Marítimo de Barcelona. 2017 se converte en un anyo prolifico para Paramón con a creyación d'obras de gran formato para Fabricar-te 4 - Festival de Musica de Barcelona, a participación en a V Biennal d'Arte de Corbera d'Ebre dedicada a os Dreitos Humans, a participación en a Berlin Kunst 2017 chunto a Fatamorgana Gallery u a exposición individual "Ye por o paradigma que soi aquí" que puede veyer-se en a Casa d'o Libro de Barcelona. Fruto d'ista exposición, Parramón presenta en 2018 o libro ilustrau por o mesmo que levará o mesmo titol que a exposición, "Ye por o paradigma que soi aquí".

En 2018, as suyas exposicions continan en a Biblioteca Mercè Rodoreda, dentro d'o 9º Festival Cinespañol de Peireguers (Francia) con una recopilación d'as suyas obras esencials, y en Mas Pi Art de Verges (Girona) con una nueva exposición "Macrocosmos&Microcosmos".^[3]^[4] Entre iste mesmo anyo tamién exposa en diferents exposicions colectivas baixo o amparo d'a Fundación Matilde Tamayo que levan as suyas obras a viachiar por o Museo d'Arte Contemporanio de Sasamón en Burgos u o Atelier Pilar Güell de Barcelona.

En 2019, Parramón ye seleccionau para o Premio Pop Stram d'a Fundación Mailde Tamayo y realiza a suya primera exposición individual en o Atelier Pilar Güell de Barcelona baixo o titol "Macrocosmos&Microcosmos".^[5] En octubre d'o mesmo anyo, viacheya a Mequinenza (Zaragoza) an le únen vinclos familiars y memorias de choventut para exposar nuevament "Macrocosmos&Microcosmos" y realizar diferents tallers y intervencions artisticas en os Museos de Mequinenza.^[6]^[7] O mesmo anyo Parramón ye seleccionau en o Premio AGBAR "Ciudat de Barcelona" organizau por o Reyal Cerclo Artistico de Barcelona.

A suya obra ye propiedat de diversos coleccionistas d'arte particulars en Espanya, Alemanya, Francia, Colombia, Corea d'o Sud, Holanda, Italia, China, Suiza, Estaus Unius u Brasil.

Obras

Parramón esclata os camins d'o universo infinito a traviés d'os suyos partículas, as suyas luces, as suyas formas y dica as suyas emocions a traviés d'a color y a materia. En as suyas obras se pueden observar explosions de pinceladas de luz y color, pura vida emocional y talento artistico que levan a o espectador a reflexionar sobre a composición d'a materia, l'orichen y o final d'a vida en exposicions como que "Ye por o paradigma que soi aquí" u "Macrocosmos&Microcosmos".

Cada obra d'istas exposicions "surte como que un intento de plasmar a color y as sensacions de diferents materials y momentos pa que o espectador s'irradie d'a enerchía d'a tela".

Bibliografía

PARRAMÓN FORNOS, J. Ye por o paradigma que soi aquí. Barcelona, 2018.

Referencias

Datos: Q87070597

[oficial-1] (es) Web oficial

[2] (es) artepoli.com

[3] (es) Joan Parramón al mas pi

[4] (es) Joan Parramón presenta abastraccions a la chapelle de la visitation

[5] (es) En matildetamayo.org

[6] (es) Inaugurada la exposicion Macrocosmos&Microcosmos de Joan Parramón

[7] (es) Joan Parramón convierte el Museo de la mina de Mequinenza en un improvisado estudio de pintura

[1]

[2]

[3]

[4]

[5]

[6]

[7]