Joachim Lemelsen

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Joachim Lemelsen
26 de setiembre de 1888 - 30 de marzo de 1954
Información personal
Embotada
Puesto de naixencia Berlín (Imperio Alemán)
Puesto de muerte Göttingen (Baixa Saxonia, Alemanya)
Información militar
Leyaltat Imperio Alemán
Republica de Weimar
Tercer Reich
Anyos de servicio 1907-1945
Rango General der Panzertruppe
Mandos 29ena División d'Infantería
5ena División Panzer
XLVII Cuerpo d'Exercito Motorizato
10eno Exercito
1r Exercito
14eno Exercito
Unidat
Batallas/guerras Primera Guerra Mundial
Segunda Guerra Mundial
*Invasión de Polonia en 1939
*Batalla de Francia
*Operación Dynamo
*Frent Oriental
*Operación Barbarroya
*Batalla de Smolensk
*Batalla de Kiev
*Batalla de Briansk
*Batalla de Kursk
*Frent Occidental
*Campanya d'Italia
*Linia Gotica
Premios Cruz de Caballero d'a Cruz de Fierro con Fuellas de Caixico
Atras funcions

Joachim Lemelsen, naxito de Berlín (Imperio Alemán) o 26 de setiembre de 1888 y muerto en Göttingen (Baixa Saxonia, Alemanya) o 30 de marzo de 1954,[1] estió un militar alemán, que desembolicó a suya carrera militar a o servicio en primeras de l'Imperio Alemán (con o que partecipó en a Primera Guerra Mundial) y dimpués d'a Republica de Weimar en rematar a guerra, dica que en 1933 se proclamó o Tercer Reich, continando asinas a suya carrera en a Wehrmacht, a on plegó dica o ran de General der Panzertruppe y mandó destacadas unidaz militars mientres a Segunda Guerra Mundial, dica rematar con a suya rendición a os Aliaus en Italia o 2 de mayo de 1945, cuan mandaba o 14eno Exercito d'a Wehrmacht.

Entre d'atros honors y premios, recibió a Cruz de Caballero d'a Cruz de Fierro con Fuellas de Caixico. Partecipó en importants feitos d'armas en o Frent Occidental y en o Frent Oriental.

Primeras anyadas d'a suya carrera[editar | modificar o codigo]

Joachim Lemelsen naixió d'a ciudat de Berlín, y yera fillo d'un oficial de carrera de l'Exercito alemán. Dentró en o Exercito alemán en 1907 como aspirant.[2]

Primera Guerra Mundial[editar | modificar o codigo]

Mientres a Primera Guerra Mundial Lemelsen sirvió como oficial d'artillería dica 1916, cuan lo transferioron enta o Estato Mayor d'a 52ena División d'Infantería.

En 1917 fue tranferito tafer parte d'o Estato Mayor de l'oficial que mandaba a esfensa d'a costa alemana d'a mar d'o Norte, Josias von Heeringen, mandando un batallón y estando ninvito dimpués en o Estato Mayor del VI Cuerpo d'Exercito de Reserva.

Lemelsen remató a guerra con o ran de capitán, recibindo-ie a Cruz de Fierro de primera y segunda clases y a Orden d'a Casa de Hohenzollern.

Republica de Weimar[editar | modificar o codigo]

En rematar a guerra en 1918 con la redota de l'Imperio Alemán, Joachim Lemelsen decidió continar a o servicio d'a Reichswehr, o reducito l'exercito que as clausulas d' Tractado de Versailles de 1919 autorizoron que conservase a Republica de Weimar.

En a posguerra Lemelsen tornó an l'Arma d'Artillería,[2] amprando os suyos servicios como comandant d'a Escuela d'Artillería en 1934, con o ran d'oberst,[2] y como comandant d'a Escuela d'Infantería en 1935. L'1 d'abril de 1937 puyó a o ran de generalmajor.[2]

En marzo de 1938 se li atorgó o mando d'a 29ena División d'Infantería, que posteriorment fue motorizata, prenendo parte con ista unidat en a invasión de Checoslovaquia dimpués d'os Pactos de Múnich. L'1 d'abril de 1939 puyó a o ran de generalleutnant.[2]

Segunda Guerra Mundial[editar | modificar o codigo]

En prencipiar a Segunda Guerra Mundial, Lemelsen, que mandaba a 29ena División d'Infantería,[2] partecipó en a invasión de Polonia en 1939 en o Frent Oriental, y tamién en as primeras fases d'a batalla de Francia en o Frent Occidental; sindembargo, o 28 de mayo de 1940, quen se desembolicaba a batalla de Francia, s'atorgó a Lemelsen o mando d'a 5ena División Panzer, con a que prenió parte en a luita contra la Fuerza Expedicionaria Britanica de l'Exercito britanico en Dunkerque, en a Operación Dynamo. L'1 de chulio de 1940 puyó a o ran de General der Artillerie.[2]

O 25 de noviembre de 1940 Lemelsen recibió o mando d'o nuevo XXXXVII Cuerpo d'Exercito Motorizato, y con istas tropas partecipó en a Operación Barbarroya, en a conquiesta de Smolensk y en as batallas de Kiev y Briansk. O XXXXVII Cuerpo se convertió en o XXXXVII Cuerpo d'Exercito Panzer en chunio de 1942, y con a suya nueva denominación partecipó en operacions contra os partisans rusos y en a batalla de Kursk.

Dimpués de mandar o XXXXVII Cuerpo d'Exercito Panzer en Rusia, Lemelsen pasó a mandar o Exrcito de reserva y temporalment mandó o 10eno Exercito desplegato en Italia, en 1943. Lemelsen recibió o mando d' 1r Exercito, desplegato en a costa atlantica francesa en mayo de 1944. Nomás que un mes dimpués, a consecuencia d'a cayita de Roma en mans d'os Aliaus, Lemelsen fue ninviato en Italia ta que mandase o 14eno Exercito, que mandó mientres toda a campanya d'Italia, entre chunio de 1944 y a suya rendición final a os Aliaus amán d'os Alpes en mayo de 1945.

Feito prisionero por l'Exercito britanico, fue liberato o 16 de mayo de 1948.[2] Morió en Göttingen (Alemanya Occidental) o 30 de marzo de 1954.[2]

Vinclos externos[editar | modificar o codigo]

Bibliografía[editar | modificar o codigo]


Predecesor:
Generalleutnant Gustav von Wietersheim
Comandant en Cabo d'a 29ena División d'Infantería[3]
1 de marzo de 1938 - 7 de mayo de 1940
Succesor:
Generalmajor Walter von Boltenstern
Predecesor:
Generalleutnant Max von Hartlieb-Walsporn
Comandant en Cabo d'a 5ena División Panzer[4]
29 de mayo de 1940 - 25 de noviembre de 1940
Succesor:
General der Panzertruppen Gustav Fehn
Predecesor:
Creyación d'o cargo
Comandant en Cabo d'o XLVII Cuerpo d'Exercito Motorizato[5]
25 de noviembre de 1940 - 14 de octubre de 1943[6]
Succesor:
General der Panzertruppen Heinrich Eberbach[6]
Predecesor:
Generaloberst Heinrich von Vietinghoff
Comandant en Cabo d'o 10eno Exercito[7]
24 d'octubre de 1943 - aviento de 1943
Succesor:
Generaloberst Heinrich von Vietinghoff
Predecesor:
Generaloberst Johannes Blaskowitz
Comandant en Cabo d'o 1r Exercito[8]
3 de mayo de 1944 - 3 de chunio de 1944
Succesor:
General der Infanterie Kurt von der Chevallerie
Predecesor:
Generaloberst Eberhard von Mackensen
Comandant en Cabo d'o 14eno Exercito[9]
3 de mayo de 1944 - 3 de chunio de 1944
Succesor:
General der Panzertruppen Fridolin von Senger und Etterlin
Predecesor:
General der Infanterie Kurt von Tippelskirch
Comandant en Cabo d'o 14eno Exercito[9]
22 de febrero de 1945 - 2 de mayo de 1945
Succesor:
Fin d'a guerra


Referencias[editar | modificar o codigo]

  1. (en)/(fr) de Lannoy, François y Charita, Josef: Panzertruppen. Les troupes blindées allemandes. German armored troops. 1939-1945. Éditions Heimdal. Bayeux, 2001, ISBN 2-84048-151-0, pachina 69.
  2. 2,0 2,1 2,2 2,3 2,4 2,5 2,6 2,7 2,8 (Lannoy-Charita 2001:69)
  3. (de) 29. Infanterie-Division en a pachina web Lexicon der Wehrmacht.
  4. (de) 5. Panzer-Division en a pachina web Lexicon der Wehrmacht.
  5. (de) XXXXVII. Armeekorps (47.) en a pachina web Lexicon der Wehrmacht.
  6. 6,0 6,1 (en)/(fr) de Lannoy, François y Charita, Josef: Panzertruppen. Les troupes blindées allemandes. German armored troops. 1939-1945. Éditions Heimdal. Bayeux, 2001, ISBN 2-84048-151-0, pachina 138.
  7. (de) 10. Armee en a pachina web Lexicon der Wehrmacht.
  8. (de) 1. Armee en a pachina web Lexicon der Wehrmacht.
  9. 9,0 9,1 (de) 14. Armee en a pachina web Lexicon der Wehrmacht.