Operación Barbarroya

De Biquipedia
Ir ta: navego, busca
Operación Barbarroya
Segunda Guerra Mundial
Front est 1941.png
Desembolique d'a Operación Barbarroya dica aviento de 1941.
Información cheneral
Calendata: 22 de chunio de 1941 - febrero de 1942
Puesto: Unión Sovietica (Belarrusia, Ucraína, Lituania, Letonia, Estonia, occident de Rusia) y Finlandia
Resultato: Victoria tactica d'o Tercer Reich, encara que con una redota estratechica important.
En conflicto
Aliatos:
Flag of the Soviet Union.svg Unión Sovietica
Potencias de l'Eixe:
Flag of German Reich (1935–1945).svg Tercer Reich
Flag of Romania.svg Reino de Rumanía
Flag of Finland.svg Finlandia
Flag of Italy (1861-1946).svg Reino d'Italia
Flag of Hungary (1920–1946).svg Hongría
Flag of First Slovak Republic 1939-1945.svg Eslovaquia
Comandants
Flag of the Soviet Union.svg Josef Stalin Flag of German Reich (1935–1945).svg Adolf Hitler
Soldatos
2.300.000 soldatos (alto u baixo)
15.000 tanques
9.000 avions
3.200.000 soldatos (alto u baixo)
3.648 tanques
2.700 avions
Baixas
1.500.000 muertos
4.000.000 prisioners (2.000.000 morioron mientres o suyo cautiverio)
700.000 muertos y desapareixitos
650.000 feritos

Se conoix con o nombre d'Operación Barbarroya (Unternehmen Barbarossa en alemán) a la invasión d'a Unión Sovietica o 22 de chunio de 1941 por a Wehrmacht d'o Tercer Reich mientres a Segunda Guerra Mundial, ubrindo asinas as operacions en o Frent Oriental. O nombre yera o nombre en codigo que dió a Wehrmacht a ista operación, en honor a l'emperador Frederico I Barbarroya d'o Sacro Imperio Román Chermanico. Mientres ista operación bi habió luitas dende o territorio de Finlandia a o norte dica a mar Negra a o sud; antiparte, se considera que se incluyen en ista operación as luitas dende o prencipio d'a invasión o 22 de chunio de 1941 dica rematar as operacions d'a batalla de Moscú en chinero u febrero de 1942.

Estió o prencipal puesto a on bi habió luitas en iste periodo, y participó en as luitas a mayor parte d'as tropas alemanas chunto con bellas tropas d'os suyos aliatos d'as Potencias de l'Eixe, (por eixemplo dende octubre de 1941 i yera present a División Azul ninviata por a Espanya franquista, con participación d'aragoneses); antiparte, estió en iste frent que ubrió a Operación Barbarroya a on a Wehrmacht tenió a mayor parte d'as suyas baixas mientres a guerra.

A invasión d'a Unión Sovietica s'adrezaba en un principio enta tres puntos diverchents: Leningrado, Moscú y Ucraína. Mientres iban abanzando en Ucraína a lo sud de Kiev as tropas que en un principio s'adrezaban ta Moscú fuoron dirichitas enta o norte de Kiev pa asegurar control d'Ucraína y con ixo o proveimiento d'o exercito. O resultato estió que facioron una cerca en a redolada de Kiev. A Batalla de Kiev se considera encara a mes gran maniobra cercadora d'a historia.

Vinclos externos[editar | editar código]