Islandeses

Islandeses Íslendingar
Jónsdóttir • Sigurðsson • Skallagrímsson • Oddsson Hallgrímsson • Björk • Jónsson • Erik o Royo J.V.Jónsdóttir • Ívarsdóttir • Grímsson • Sigurðardóttir
Rechions con comunidatz importants
Islandia Canadá Estaus Unius Noruega
Idiomas
Islandés
Relichión
Luteranismo, odinismo
Pueblos relacionaus
Feroeses, shetlandeses, noruegos, daneses, suecos, maneses, irlandeses, escoceses de las Highlands y las islas

Los islandeses son los habitants nativos d'Islandia. Charran una luenga chermanica septentrional propia, lo islandés. Estioron lo zaguer pueblo norrén en cristianizar-se, estando actualment luterans.

Relichión

En la Islandia medieval estió present lo cristianismo celta antigo de los gaels y la relichión politeísta escandinava de los colons noruegos. Con lo tiempo fue predominando lo cristianismo catolico. L'aislamiento y una duración mes gran de lo paganismo permitioron que la literatura islandesa reflectase temas y elementos pagans.

En lo sieglo XVI los daneses lis imposoron lo luteranismo.

Actualment una minoría ha preso la relichión neopagana de l'odinismo, con elementos presos de l'antiga relichión politeísta escandinava, y reconoixida por lo estato.

Luenga

Ta más detalles, veyer l'articlo idioma islandésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Lo islandés ye clasificau como una luenga de grupo occidental adintro de las luengas chermanicas septentrionals. D'entre las luengas més cercanas, i son lo feroés y lo neonoruego (u noruego nynorsk).

Ye una luenga flexiva. Los neolochismos se creyan traducindo radices foranas por radices islandesas. Fa servir l'alfabeto latín con dos letras antigas no guaire comuns, la letra þ y la letra ð

Lo islandés escrito ha cambiau relativament poco dende lo sieglo XIII. Ixa ye la razón por la qual los parlants d'islandés moderno pueden encara leyer, alto u baixo, las sagas islandesas y los eddas en la suya versión orichinal, tarqual fuoron escritas fa ya uns ueitocientos anyos. Esta forma de la luenga se diz islandés antigo, pero ye lo mesmo que parlar de norrén antigo, vocable que abraca las variedatz de la luenga escandinava comuna de los tiempos vikingos.

Bibliografía

• Felipe Fernández-Armesto. Los hijos de Zeus. Pueblos, etnias y culturas de Europa. 1996 Grijalbo.
• Amiram Gonen. Diccionario de los pueblos del mundo Editorial Anaya.
• Jean Sellier. Atlas de los pueblos de Europa Occidental. Editorial Paidós.