Imperio alemán
| Deutsches Reich Imperio alemán | ||||
|---|---|---|---|---|
| ||||
| ||||
| Lema nacional: Gott mit uns (alemán: «Dios ye con nusatros») | ||||
| Himno nacional: Heil dir im Siegerkranz (no oficial) | ||||
-de.svg) | ||||
| Capital | Berlín | |||
| Idioma oficial • Atros idiomas |
Alemán Polaco, danés, francés, frisón, sorbio, caixubio, lituán, eslovincio | |||
| Relichión | Luteranismo (60%) y Catolicismo (40%) | |||
| Gubierno | Monarquía constitucional (democracia) | |||
| Kaiser • 1871-1888 • 1888 • 1888-1918 |
Guillén I Frederico III Guillén II | |||
| Reichskanzler • 1871-1890 • 1909-1917 • 1918 • 1918 |
Otto von Bismarck Theobald von Bethmann-Hollweg Maximilián de Baden Friedrich Ebert | |||
| Periodo historico | Anyos 1870-Anyos 1910 | |||
| • Unificación d'Alemanya | 18 de chinero de 1871 | |||
| • Abdicación formal d'o Kaiser | 29 de noviembre de 1918 | |||
| • Proclamación d'a Republica | 9 de noviembre de 1918 | |||
| Superficie • 1910 |
540 766 km² | |||
| Población • 1910 est. Densidat |
64925993 hab. 120,1 hab/km² | |||
| Moneda | Goldmark | |||
| Miembro de: Potencias Centrals | ||||
.svg){kind=small}
.svg){kind=small}
.svg){kind=small}
Se conoix con o nombre d'Imperio alemán a o rechimen politico que bi heba en Alemanya dende o 18 de chinero de 1871, quan remató a Unificación d'Alemanya dimpués d'a Guerra Franco-Prusiana, dica noviembre de 1918, quan Alemanya perdió a Primera Guerra Mundial y o emperador Guillén II abdicó en esclatar a dita Revolución de Noviembre.
O Imperio alemán yera una confederación d'estatos, que heba succedito a la Confederación Alemana d'o Norte y que, como ista atra confederación, yera controlata por o Reino de Prusia, estando o rei d'iste país o emperador d'Alemanya. Yera conseqüencia d'una unificación d'Alemanya seguntes a Kleindeutsche Lösung (u "solución d'a chicota Alemanya"), dita asinas por estar una unificación d'os países de luenga alemana sin os territorios d'Austria, que feban parte d'o Imperio Austro-hongaro.
D'o Imperio feban parte 22 monarquías, 3 republicas y un territorio imperial, Alsacia-Lorena, y teneba a suya capital en a ciudat de Berlín, que yera amás a capital d'o Reino de Prusia, o estato dominant d'o Imperio. O poder lechislativo yera bicameral, con una primera cambra esleyita por sufrachio universal (354 deputatos) y una segunda cambra con representants nombratos por os reis (u grandes duques u duques) d'o imperio, encara que proporcionalment a l'importancia relativa d'o suyo reino, con a quala cosa o Reino de Prusia yera l'arbitro, nombrando 17 deputatos d'un total de 54.
Mientres os anyos 1930 y anyos 1940 o nazismo clamaba a o periodo d'o Imperio alemán Segundo Reich, estando considerato como o Primer Reich o Sacro Imperio Román Chermanico y o Tercer Reich o mesmo rechimen nazi, marcando asinas una pretesa continidat historica entre o Imperio de radices medievals, o melitarismo d'o Imperio alemán y o nazismo d'o Tercer Reich.
