Ilesia de Santa María d'o Pueyo de Tolva
| Ilesia de Santa María d'o Pueyo | |
|---|---|
 Frontera d'a ilesia. | |
| Situación cheografica | |
| Estau |  Espanya
|
| País |  Aragón
|
| Comarca | Ribagorza |
| Situación | Tolva
|
| Adreza | |
| Coordenatas | |
| Archidiocesi | Zaragoza |
| Diocesi | Balbastro-Monzón |
| Arcipestrau | Sobrarbe-Ribagorza |
| Información cheneral | |
| Advocación | Santa María |
| Culto | Catolico |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | Ilesia Catolica |
| Administrador | |
| Director | |
| Coste | {{{coste}}} |
| Visitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Ilesia |
| Estilo | Romanico Barroco Neoclasico |
| Función | Ilesia |
| Catalogación | Bien d'Intrés Cultural |
| Materials | Piedra picada Ladriello |
| Construcción | |
| Construcción | Sieglos XII-XVIII |
| Fundador | |
| Inicio | 1 de marzo de 1130 |
| Fin | |
| Inauguración | |
| Destrucción | |
| Arquitecto | |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
A ilesia de Santa María d'o Pueyo de Tolva ye una ilesia aragonesa d'estilos romanico, barroco y neoclasico que se troba en a localidat de Tolva, en a comarca de Ribagorza y provincia de Uesca. A suya localización ye en o centro d'a localidat.[1]Dende lo punto d'anvista d'a suya adscripción administrativa en a Ilesia Catolica, pende de l'arcipestrau d'Sobrarbe-Ribagorza en a diocesi de Balbastro-Monzón y de l'archidiocesi de Xaragoza.
Ye una ilesia consagrada a santa María (en a suya advocación de Santa María d'o Puy)[2] construyida en o sieglo XII en estilo romanico, que ye la ilesia parroquial d'o lugar. Tanimientres, a ilesia tenió cuantos esviellamientos posteriors en estilos barroco y neoclasico, con fundas modificacions sobre lo templo principal. De feito, la part prencipal de l'edificio que hue podemos veyer ye d'o sieglo XVI.[2]
Cal destacar que la suya frontera occidental no ye la orichinal d'o templo y ye procedent d'a ilesia d'o castiello de Falces de Tolva (a ilesia d'os Santos Chusto y Pastor de Falces), habendo-se feito lo suyo treslau a finals d'o sieglo XIX.[2][3] con motivo d'o deplorable estau d'a ilesia en cuestión.[4]
Historia
[editar | modificar o codigo]O primer templo romanico fue consagrau por l'occitán Pero de Roda, bispe de l'archidiocesi de Pamplona.[4]
Descripción
[editar | modificar o codigo]En l'edificio destaca mas que mas a suya frontera occidental, procedent d'a espaldada ilesia d'os Santos Chusto y Pastor de Falces,[2] como s'ha indicau anteriorment.
Frontera
[editar | modificar o codigo]A suya puerta de dentrada, en arco de meyo punto destaca sobre la frontera en sobresalir d'a mesma y poseye cinco arquivoltas sobre una impostaque a la suya vegada reposa sobre dos columnas con os suyos respectivos capitels,[4] ornamentaus con motivos animals[2] (lions). O saledizo ye rematau con un arrimadiello que descansa sobre tres canez. Dencima d0a puesta se troba un gran finestral.[4]
Planta
[editar | modificar o codigo]Ye un edificio con nomás que una sola nau dotau de capiellas laterals y con una cabecera poligonal.[2] la nau ye dividida en tres trampos y se troba cubierta por vuelta de crucería.[3] As capiellas laterals son as parts mas modernas d'o templo y se construyoron ya en estilo barroco.[3]
Nau
[editar | modificar o codigo]A sola nau d'a ilesia ye en forma rectangular, estando construyida la part inferior d'a mesma en piedra picada y en ladriello la part superior d'os suyos muros.[3]
Torre
[editar | modificar o codigo]A suya torre tien a peculiaridat de contar con un primer trampo en planta cuadrada y un segundo trampo en planta octagonal, poseyendo una finestra en arco de meyo punto.[2][3]
Referencias
[editar | modificar o codigo]- ↑ (es) Iglesia de Santa María del Puy en Arte Viajero.
- ↑ 2,0 2,1 2,2 2,3 2,4 2,5 2,6 (es) Iglesia de Santa María del Puy de Tolva en a web d'o Concello de Tolva.
- ↑ 3,0 3,1 3,2 3,3 3,4 (es) Iglesia de Santa María del Puy en a web d'o Sistema de Información del Patrimonio Cultural Aragonés.
- ↑ 4,0 4,1 4,2 4,3 (es) Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1era edición, ISBN 84-9776-112-X, p.218-219.
Vinclos externos
[editar | modificar o codigo]
Se veigan as imáchens de Commons sobre la ilesia de Santa María d'o Pueyo de Tolva.- (es) Iglesia de Santa María del Puy de Tolva en a web d'o Concello de Tolva.
- (es) Iglesia de Santa María del Puy en a web d'o Sistema de Información del Patrimonio Cultural Aragonés.
- (es) Iglesia de Santa María del Puy en Arte Viajero.
| Control d'autoridaz |
|
|---|
Datos: Q11682894- Multimedia: Iglesia de Santa María del Puy / Q11682894