Hart's War

Iste articlo ye sobre una cinta dramatica belica de garcholas y chudicios estausunidense de 2002; ta atros usos, se veiga Hart's War (desambigación).

Hart's War
Títol	Hart's War
Póster d'a cinta.
Ficha tecnica
Dirección	Gregory Hoblit
Aduyant de dirección	Petr Drozda
Dirección artistica	Martin Kurel John Warnke
Producción	David Ladd David Foster Arnold Rifkin Gregory Hoblit
Disenyo de producción	Lilly Kilvert
Guión adaptau	Billy Ray Terry George
Basau en	Hart's War, novela de John Katzenbach (1999)
Musica	Rachel Portman
Fotografía	Alar Kivilo
Montache	David Rosenbloom
Escenografía	Patrick Cassidy
Vestuario	Elisabetta Beraldo
Maquillache	Paul Engelen Melissa Lackersteen Gerald Quist Rene Stejskal Eva Vyplelová
Peluquería	Ivana Nemcova Radek Petr Milan Vlcek Michael White Marlene D. Williams
Casting	Deborah Aquila Jessica Horáthová
Actors	Bruce Willis Colin Farrell Terrence Howard Cole Hauser Marcel Iureş Linus Roache Vicellous Reon Shannon Maury Sterling Sam Jaeger Scott Michael Campbell Rory Cochrane Sebastian Tillinger Rick Ravanello Adrian Grenier Sam Worthington Jonathan Brandis Holger Handtke
Color	Eastmancolor
Datos y cifras
País(es)	Estaus Unius
Anyo	2002
Debantadera	15 de febrero de 2002 Estaus Unius
Chenero(s)	Cine de drama Cine belico Cine de garcholas Cine de chudicios
Durada	125 min.
Idioma(s)	Anglés Alemán
Companyías
Productora(s)	Metro-Goldwyn-Mayer Cheyenne Enterprises Ladd Films David Foster Productions
Distribución	20th Century Fox
Estudio(s)	Barrandov Studios
Presupuesto	70 millons de dólars
Recauto	33,1 millons de dólars
Informacions en bases de datos especializadas:

Hart's War (títol orichinal en anglés, en aragonés A guerra de Hart, enguerada en Aragón con o suyo títol traduciu enta lo castellano como La guerra de Hart) ye una cinta de l'anyo 2002 de cine de drama belico de garcholas y chudicios de cine estausunidense dirichida por Gregory Hoblit seguntes un guión adaptau por Billy Ray y Terry George (basau en a novela Hart's War, que haba publicau John Katzenbach l'anyo 1999), con una banda sonora orichinal de Rachel Portman, una dirección de fotografía d'Alar Kivilo y una producción cinematografica de David Ladd, David Foster, Arnold Rifkin y Gregory Hoblit ta las productoras Metro-Goldwyn-Mayer, Cheyenne Enterprises, Ladd Films y David Foster Productions. De l'elenco d'a cinta en fan parte Bruce Willis, Colin Farrell, Terrence Howard, Cole Hauser, Marcel Iureş, Linus Roache, Vicellous Reon Shannon, Maury Sterling, Sam Jaeger, Scott Michael Campbell, Rory Cochrane, Sebastian Tillinger, Rick Ravanello, Adrian Grenier, Sam Worthington, Jonathan Brandis y Holger Handtke, entre d'atros actors.

Mientres a Segunda Guerra Mundial, Thomas Hart ye un choven tenient de l'exercito estausunidense que en perteneixer a una familia cabalera ye destinau en a retraguarda. Tanimientres, a finals de l'anyo 1944 las tropas d'a Wehrmacht d'o Tercer Reich prencipian una ofenssiva en as Ardenas y Hart ye capturau y ta que de la información que amenistan, os alemans li levan os zapatos y los calcetins, con o resultau que los suyos piez quedan en mal estau y finalment da a los alemans a infomación que li demanan. Dimpués, siempre sin zapatos ni calcetins, lo ninvían en un campo de presoneros alemán (encara que mientres o viache consigue un par de zapatos provisionalment). En plegar en o suyo destino, l'interroga lo coronel William McNamara y cuan li demana si ha suinistrau bella información a los alemans, Hart niega haber-lo feito, cosa que McNamara dedu acertadament que ye mentira, asinas que decide castigar-lo ninviando-lo a un barracón de presoneros destinau a suboficials. En ixe barracón se troba lo sarchento Vic W. Bedford, bien connectau con o chinchorreyo, que li ufre apatos y calcetins. Poco dimpués plegan en o campo nuevos presoneros aliaus, en iste caso dos pilotos estausunidenses d'os conoixius como aviadors de Tuskegee (pilotos afroamericanos d'o 332^sup> Grupo d'Operacions Expedicionarias y d'o 477^eno Grupo de Combat), y Bedford bien luego lis amuestra una gran hostilidat en estar evidentment un racista. Resentiu porque se veye obligau a tener-los en o suyo barracón y porque l'han obligau a fer-lis o saludo militar, Bedford amaga un obchecto que puede emplegar-se como arma en a litera d'un d'éls, o tenient Lamar Archer, y como resultau los alemans l'executan sumariament. L'atro afroamericano, lo tenient Lincoln A. Scott, sabe que la culpa ye de Bedford y lo menaza publicament de muerte. Cuan bien luego Bedford amanixe muerto, acusan a Scott de l'asasinato y asignan a Hart como avogau defensor, encara que las suyas conoixencias de Dreito se limitan a haber feito dos anyos d'a carrera en a Universidat de Yale (a on bien luego descubre que tamién i heba estudiau lo coronel ("oberst") Werner Visser, qui amuestra claras simpatías por Hart y l'aduya en os primers momentos). L'acusación se fa debant d'un consello de guerra presidiu por McNamara, qui bien clarament amuestra hostilidat enta Hart y enta lo suyo client. Hart constata que todo parixe estar una farsa y que lo resultau d'o chudicio ye decidiu de por debant. Finalment, McNamara li xplica privadament a Hart que todo ye en realidat nomás que un plan ta conseguir a fuga d'un gra numero de presoneros y li confirma que qui heba ordenau a muerte de Bedford yera él mesmo, en estar iste un informador d'os alemans a cambio de favors y, como s'ha demostrau en o chudicio, de favoreixer a suya propia evasión d'o campo, pactada con os alemans.

A cinta s'ambienta en 1944 en Belchica y en 1944 y 1945 en Alemanya mientres a Segunda Guerra Mundial y las suyas escenas se filmoron en Milovice (Bohemia Meridional), Zvoleněves (Bohemia Central) y Praga en a Republica Checa, amás d'en os Barrandov Studios en ista mesm ciudat checa.

Ye una cinta que ha recibiu bel premio y bella nominación, pero que garra d'éls no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 2002.
• Cintas de 2002.

Referencias

• Datos: Q765356