Antiga Grecia

L'Antiga Grecia, 550 aC..

L'Antiga Grecia, a Grecia Clasica u a Civilización Helenica son os nombres con que se conoixe o periodo d'a historia griega, mientres un milenio, dica la muerte d'Aleixandre lo Gran, escaicimiento que marcarba lo comencipio d'o periodo helenistico. L'Antiga Grecia ye considerada por os historiadors como l'alacet d'a cultura occidental. A cultura griega tenió una poderosa influyencia en l'Imperio Romano, y en cheneral sobre toda la cultura occidental, sobre la cual ha influyiu y continua influyindo, sobretot en a luenga, a politica, os sistemas educativos, a filosofía, a ciencia, l'arte y l'arquitectura d'o mundo moderno, estimulando lo Renaiximiento d'a Europa Occidental y mientres o neoclasicismo en os sieglos XVIII y XIX en Europa y America.

L'Antiga Grecia u Helada ye un termin emplegau ta referir-se a lo mundo de parla griega de l'antigüidat. Se refiere no nomás que a la peninsula cheografica d'a Grecia moderna, so que tamién a todas as arias d'a cultura griega que fuoron colonizadas por os griegos:

Chipre y as islas d'a mar Echea, a costa d'Anatolia, Sicilia y lo sud d'Italia (rechión conoixida allora como a Magna Grecia), antimás de diversos asentamientos y colonias d'os actuals estaus d'Albania, Bulgaria, Echipto, o sud de Francia, Libia, a costa mediterrania d'a Peninsula Iberica y Ucraína (a peninsula de Crimea). Tamién se bi incluyen os territorios de l'anterior Imperio Persa Aquemenida dimpués d'as conquistas d'Aleixandre lo Gran.

Se veiga tamién

• Arte griego:
  • Arquitectura griega clasica.
  • Escultura griega.
  • Ceramica griega.
  • Poesia griega.
• Mitolochía griega.
• Filosofía griega.
• Grecia moderna.
• Griegos.
• Chuegos Olimpicos de l'Antigüedat.

• Datos: Q11772
• Multimedia: Ancient Greece / Q11772