Glaciar Occidental de Marmorés
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Glaciar Occidental de Marmorés Glacier Ouest du Marboré | |
| País |  Occitania
|
| Rechión | Occitania |
| Departamento | Altos Pireneus |
| Municipio | Gavarnía e Gèdra |
| Aria protechida | Parque Nacional d'os Pireneus |
| Cordelera | Pireneu |
| Macizo | As Tres Serols |
| Val | |
| Tipo | Glaciar de cul |
| Estau | En retacule |
| Frent | |
| Pai | |
| Derivaus | |
| Altaria | |
| Largaria | norte: 0,30 km central: 0,20 km sud: 0,15 km |
| Superficie | norte: 0,04 km² central: 0,01 km² sud: 0,04 km² |
| Fondura | |
| Velocidat | |
| Cimas | Pico Plan de Marmorés (3.248 m) |
| Ríos | Gave de Gavarnía |
.png)  | |
O glaciar Occidental de Marmorés (en francés glacier Ouest du Marboré) ye un glaciar d'os Pireneus situau en o macizo d'as Tres Serols, en a versant norte d'a muga entre Aragón y Francia, en o departamento d'os Altos Pireneus y en a rechión d'Occitania. Se troba en o corazón d'o cul de Gavarnía
Cheografía[editar | modificar o codigo]
O glaciar Occidental de Marmorés ye en realidat dividiu en tres chicotz glaciars bien esferenciaus, situaus en a cara norueste d'o pico Plan de Marmorés, a cima más alta d'o cul de Gavarnía.
As auguas d'o suyo deschele alimentan a gave de Gavarnía.
Historia[editar | modificar o codigo]
As morrenas confirman que en a chicota edat de chelo, o glaciar Occidental de Marmorés no yera un solo glaciar sino un conchunto composau de tres chicotz aparatos glaciars activos. O glaciar más septentrional mediba 0,04 km² por 400 metros de largaria. O glaciar central teneba una superficie de 0,02 km² y 300 metros de largaria. Y o glaciar más meridional contaba con 0,04 km² y una largaria de 250 metros.
Encara que bien presguardaus, istos tres glaciars siguioron o mesmo declin que a resta de glaciars d'a cordelera.
Asinas, os glaciars norte y central han perdiu a suya dinamica de movimiento en a decada de 2000, y actualment nomás o segmento más meridional exhibe encara qualques crepazas. En 2020, l'aparato norte yera una chelera de 0,02 km² por 300 metros de largaria. L'aparato central yera una chelera de 0,01 km² por 200 metros de largaria. L'aparato sud yera un glaciar de 0,02 km² por 150 metros de largaria.