Gewürztraminer
A gewürztraminer (prenunciau en alemán ɡəˈvʏʁtstʁaˈmiːnɐ) ye una variedat d'uga orichinaria d'as frescas laderas alpinas de Trentino-Alto Adigio en o nord-este d'Italia, y o suyo nombre deriva d'a localidat de Tramin an der Weinstraße, en Tirol d'o Sud. Perteneixe a la familia varietal d'as Traminer, estando relacionada con as uvas savagnin y aubin. Ye una cepa adaptada a la fredor, caracterizada por un borfollo rosau u rollenco, lo que la fa estar apropiada pa producir vin blanco. A variedat tien uns livels de zucres naturals altos, y os suyos vins son por un regular semisecos u dolces. Os vins secos de gewürztraminer pueden tener aromas y notas florals y de fruitas tropicals. No ye infrecuent que se forme bella cosa de spritz (chicotas ambolletas en a copa).
A dolcez d'a gewürztraminer puet acompanyar a la birolla especiada asiatica.[1] Tamién acompanya bien os quesos maroilles, livarot y munster,[2] y a carne de caza.
Encara que ye común mas que mas en Alemanya y Alsacia, a variedad se planta en muitos países d'Europa, como Francia, Austria, Italia y Espanya. Tamién i hai plantacions d'ista variedat en países d'America, como Estaus Unius, Canadá, Chile, Archentina y Mexico, y tamién en Australia.
En Aragón ye una d'as variedaz blancas autorizadas en os vins d'as denominacions d'orichen protechidas Calatayú y Semontano y en a indicación cheografica protechida vins d'a Tierra Valle d'a Cinca.
Referencias
[editar | modificar o codigo]- ↑ (en) Wine Access: About Gewurztraminer 2 de chunio de 2009
- ↑ (fr) "Quels vins d'Alsace avec les fromages," found at Les vins d'Alsacel website.