Gaspar Castellano y de Gastón
.jpg)
.svg){kind=small}
.svg){kind=small}
Gaspar Castellano y de Gastón (Exeya d'os Caballers, 18 de mayo de 1928[1]-Zaragoza, 21 d'abril de 2019)[2] estió un avogau y politico aragonés.
Biografía
[editar | modificar o codigo]Naixió en 1928 d'o despoblau de La Berné, en o termin municipal de Exeya d'os Caballers, Zaragoza. Pasó a suya nineza en a casa natal de su mai en Irurita, en a Val de Baztán (Navarra), cursando en a suya escuela os estudios de primera ensenyanza. Dimpués d'estudiar Dreito en a Universidat de Zaragoza reyalizó os cursos de doctorau.[3]
Rematada a suya formación academica estió Secretario d'Administración Local de primera categoría, y posteriorment prencipió a exercer como avogau en materia d'Administración Local y Urbanismo. En a decada d'os anyos sesanta estió profesor de Dreito Administrativo en a Facultat de Dreito de Zaragoza.[3]
También fació parti d'a vida politica, prencipiando como concellero d'Exeya d'os Caballers y posteriorment Deputau Provincial d'a Deputación de Zaragoza; Vicepresident y President d'a Deputación Provincial de Zaragoza, mientres cuantos periodos. Concretament dende o 28 de chinero de 1976 dica o 8 de febrero de 1976; d'o 21 d'abril de 1977 a o 16 de febrero de 1979 y d'o 26 d'abril de 1979 a o 29 de setiembre de 1982.[3] Con UCD
Dimpués fue nombrau Consellero d'Interior d'a 1a Preautonomía aragonesa, President d'a Deputación Cheneral d'Aragón preautonomica; y Primer President d'a Deputación Cheneral d'Aragón autonomica.[3]
De 1995 a 1999 estió concellero d'o Concello d'a Noble Val y Universidat de Baztán y dimpués parlamentario foral en o Parlamento de Navarra con Unión del Pueblo Navarro.[3]
Falleixió en o suyo domicilio de Zaragoza,[4] a zaguera hora d'o 21 de abril. A suya familia comunicó expresament que no quereba que se suspendiera dengún acto politico con motivo d'o Día Nacional d'Aragón (23 d'abril). No s'organizó capiella ardient, y as suyas restas mortals se tresladoron ta la val de Baztán (Navarra),[2] a on reposan as restas mortals d'a suya familia.
Condecoracions
[editar | modificar o codigo]- Medalla d'Aragón.[3]
- Gran Cruz d'a Orden a o Merito Militar.[3]
- Encomienda de Numero d'a Orden d'o Merito Agricola.[3]
- Medalla d'Oro d'a Cruz Roya.[3]
- Medalla d'Archent d'a Ciudat d'o Compromís.[3]
Referencias
[editar | modificar o codigo]- ↑ (es) Gaspar Castellano y de Gastón
- ↑ 2,0 2,1 (es) Gaspar Castellano, expresidente de Aragón, muere a los 90 años. El Periódico de Aragón, 23 d'abril de 2019
- ↑ 3,00 3,01 3,02 3,03 3,04 3,05 3,06 3,07 3,08 3,09 (es) , Alicia (1999), Los presidentes de la Diputación Provincial de Zaragoza (1813-1999), 216, Deputación Provincial de Zaragoza. ISBN 84-89721-58-0.
- ↑ (es) "Muere Gaspar Castellano y de Gastón, expresidente de Aragón y de la DPZ". heraldo.es. https://www.heraldo.es/noticias/aragon/2019/04/22/muere-gaspar-castellano-y-de-gaston-expresidente-de-aragon-y-de-la-dpz-1310603.html.
Se veiga tamién
[editar | modificar o codigo]Bibliografía
[editar | modificar o codigo]- Sánchez Lecha, Alicia, 175 años de historia de las Diputaciones Provinciales, Diputación Provincial de Zaragoza, 2008, 57 pp.
Vinclos externos
[editar | modificar o codigo]
Datos: Q23705178
Multimedia: Gaspar Castellano de Gastón / Q23705178
- Avogaus d'Aragón
- Politicos d'Aragón
- Presidents d'a Deputación Cheneral d'Aragón
- Presidents d'a Deputación Provincial de Zaragoza
- Consellers por a Deputación Provincial de Zaragoza en a Deputación Cheneral d'Aragón
- Consellers d'Interior d'a Deputación Cheneral d'Aragón
- Primer Gubierno Bolea
- Segundo Gubierno Bolea
- Tercer Gubierno Bolea
- Primer Gubierno Castellano
- Segundo Gubierno Castellano
- Naixius d'Exeya d'os Caballers
- Muertos en Zaragoza
- 1928 (naixencias)
- 2019 (muertes)