Ficedula hypoleuca
| Ficedula hypoleuca | |
|---|---|
 | |
| Denominacions populars | |
aleta blanca, alet, cazamoscas, chapeta | |
| Estau de conservación | |
| Clasificación cientifica | |
| Eukaryota | |
| Animalia | |
Filo: |
Chordata |
| Aves | |
| Passeriformes | |
| Muscicapidae | |
| Ficedula | |
| F. hypoleuca | |
| Distribución cheografica | |
 | |
L'aleta blanca[1] u alet[1] (nombre cientifico Ficedula hypoleuca)[2], tamién clamata cazamoscas[1] u chapeta[1], ye una especie de paseriforme chicotón d'a familia d'os muscicapidos u cazamoscas. Habita per un regular en buena parte d'Europa y de l'Asia occidental, pero ye un au migratoria que acostumbra a pasar los hibiernos en Africa.
Descripción
[editar | modificar o codigo]La suya largaria ye d'entre 12 y 13,5 centimetros. Lo masclo reproductor ye reconoixible per lo suyo plumache negro per d'alto, con malla blanca en a frent, y blanco per debaixo, con randeta blanca tamién en l'ala. Lo plumache d'a fembra ye mas d'un pardo claro. Ta d'agüerro, sindembargo, los dos sexos comparten la mesma color pardisca, lo que fa difícil diferenciar-los d'altros cazamoscas d'o mesmo chenero. Ista diferencia sexual fa que se distinga de l'aleta parda.
Lo bieco u pipón ye negro. Amás d'os insectos cazatos de revolata (mosquitos, palometas...), ista especie s'alimenta tamién de lulos y d'as tenyas que atrapa en as fuellas d'os caixicos. Ye sobretot en os caixicars an puede sentir-se lo melodioso canto suyo ta de primavera, anque puede trobar-se en altras arboleras y selvas caducifolias, an aproveitan los foratos d'os árbols ta fer niedo.
Referencias
[editar | modificar o codigo]- 1 2 3 4 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) Chesús de Mostolay EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p. 50
Vinclos externos
[editar | modificar o codigo]
Se veigan as imáchens de Commons sobre Ficedula hypoleuca.
Wikispecies tiene un articlo sobre Ficedula hypoleuca.- (es) Información de Ficedula hypoleuca seguntes Javier Blasco Zumeta.
| Control d'autoridaz |
|
|---|
Datos: Q27442- Multimedia: Ficedula hypoleuca / Q27442
- Especies: Ficedula hypoleuca