Fases d'a Luna

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

A fase lunar ye un termin astronomico que fa referencia a la porción d'a Luna que ye vistable en estar iluminada por o sol.^[1] A Luna fa diferents plantas en o suyo chiro arredol d'a Tierra, seguntes a suya posición respective a o Sol. Quan se troba entre a Tierra y o Sol, nos ofreix a suya cara no iluminada (novilunio u luna perdida). Una semana dimpués a Luna ha feito un quarto de vuelta y nos presenta meya cara iluminada (luna en creixient u luna que creix). Unatra semana más y a Luna ocupa una posición aliniada con o Sol y a Tierra, ufrindo-nos toda a cara iluminada (plenilunio, luna plena u luna en plena). A l'atra semana trobamos a luna mingua. Transcorridas quatro semanas nos trobamos de nuevas en novilunio. O tiempo transcorrido entre dos novilunios de clama mes lunar u mes sinodico y ye de 29,53 días solars meyos. As fases d'a Luna son muit relacionaus con periodos d'o calandario como a semana y o mes. Son a base d'o calandario musulmán.

Os nombre tradicionals en aragonés d'as quatro fases lunar son:

Luna perdida (astronomicament novilunio).
Luna creixient u luna que creix.
Luna plena, u luna en plena (astronomicament plenilunio).
Luna mingua.^[2]

Os planetas tamién tienen as suyas fases. Galileo Galilei estió o primero en descubrir que Venus presentaba fases como a luna, argumento que emparaba a Teoría heliocentrica.