Estato Independient de Croacia

De Biquipedia
Ir ta: navego, busca
Nezavisna Država Hrvatska
Estato Independient de Croacia
Gubierno titere de l'Alemanya Nazi
Naval Ensign of the Kingdom of Yugoslavia.svg 1941 — 1945 Flag of SFR Yugoslavia.svg
Bandera Escudo d'armas
Situación de Estato Independient de Croacia
Capital Zagreb
Idioma oficial Crovate
Gubierno Monarquía
 • Fundación 10 d'abril de 1941
 • Desaparición 8 de mayo de 1945
Superficie
 • 1941

115 133 km²
Población
• 1941 est.
     Densidat

6966729 hab.
60,5 hab/km²

O Estato Independient de Croacia (Nezavisna Država Hrvatska en crovate) estió un estato aligato de l'eixe creyato dimpués que en 1941 Italia, Alemanya y Hongría invadisen Yugoslavia y permitisen que os ustaixas (ultranacionalistas crovates) formasen un gubierno, gubierno que escluyó a la minoría serbia. Desapareixió por a derrota de l'exe en a Segunda Guerra Mundial y por a formación d'un prochecto de Yugoslavia común pa eslavos meridionals de totas as nacionalidatz.

A principios de 1941 Hitler ordena a Yugoslavia que s'adhiba a lo Pacto Tripartito, pensando en atacar Grecia. O rechent Pavlo acepta, pero os nacionalistas serbios se rebelan o 27 de marzo, dimpués Pero II ye proclamato rei, pero o 6 d'abril de 1941 os exercitos hongaros, alemans y italians invaden Yugoslavia, que se rinde o día 17. Yugoslavia ye dividita en zonas, y se creya un estato satelite Crovate gubernato por os ustaixas examplato con Bosnia-Herzegovina y Sirmia, pero que ha tenito que ceder territorios a Hongría y Italia, (zonas de Dalmacia). A presonalidat principal d'o rechimen ustaixa estió Ante Palevic.

As tropas alemanas ocupan o nordeste y as tropas italianas o sudueste. Os ustaixas emprenderán o exterminio de serbios, y tamién de chitans, chodigos (en Ragusa y Sarajevo i heba sefardís), y opositors politicos. Muitos serbios fuoron ninviatos a lo Campo de Concentración de Jasenovac. Con menos meyos que os alemans pa fer mortaleras, as trazas d'os ustaixas impresionoron a los mesmos nazis alemans. Mientres os ustaixas exterminan a los serbios, os guerrillers monarquicos serbios (chetniks) exterminan a los musulmans bosnians en as zonas que controlan. Yugoslavos de totas as nacionalidatz, crovates tamién s'aplegan en a formación d'un exercito partisán que defiende yugoslavia plural y que tienen un caudiello crovate, Josip Broz Tito.

En 1942 os ustaixas y os partisans luitan en Bosnia. Os partisans yeran bien establitos en Bosnia y son capaces de forachitar a los italians, pero son refusatos por una contraofensiva alemanya. Entre o 20 de chinero de 1943 y abril de 1943 se produció a Operación Weiss contra os partisans de Tito con a participación d'os chetniks como aliatos d'o exercito italián (y indreitament d'o exercito alemán). Os partisans optoron por dirichir os suyos ataques enta o sud derrotando a los italians, y ir movendo-se enta l'este, derrotando a los chetniks en a Batalla d'o río Neretva, o que lis permitió de refuchiar-se en Montenegro.

En 1943 muitos italians cambian de bando (capitulación italiana) y esto permite a los partisans de tornar a abanzar en liberar a costa dalmata en octubre-noviembre de 1944. Os ustaixas seguiban resistindo encara dimpués d'a rendición d'Alemanya, fendo-lo o 15 de mayo de 1945 en Eslovenia. Ante Palevic recibió asilo diplomatico en a Espanya franquista.

Bibliografía[editar | editar código]