Descusión:Estau Independient de Croacia

Estato titere

(Willtron...quereba posar as interwikis d'os articlos que escribié ascape pa plegar a los 18000 este maitín porque de tarde yera canso). O que quereba dicir ye que encara que desconoxca os criterios historiograficos pa dicir que ye un "estato titere" o "satelite" e que no en ye...lo que he visto siempre ye que siempre se'n diz cuan os estatos titeres son d'un gobierno de rechimen contrario. Lo veyeba en os años 70-80 cuan charraban d'os estatos d'o pacto de Varsovia e siempre se vei pa os aligatos d'Alemaña, que no yeran pocos precisament. Yo veigo una carga ideyolochica en dicir que Croacia estió un estato titere y a España d'Aznar no. Muitos países d'Europa e America son estatos titeres d'EEUU e nunca no lis dicen titeres. D'esta traza yo no posaría que Croazia estió un estato titere e posaría que estió un aligato d'Alemaña. Os ustachas no yeran precisament pocos, e dimpués d'a guerra s'ha desacherato o papel de movimientos resistents en puestos como Francia, (a resistencia francesa no yera tan activa ni important como sale en as peliculas, e se chugaban muito més por Francia os guerrillers e resistents españols). En Francia i abió muito colaboracionismo francés con o rechimen nazi e no resistiban ni sufriban tanto como os polacos. En Yugoslavia enantes d'a II guerra os comunistas no teneban tanto apoyo popular como os nacionalistas crobates moderatos e os ustachas (en atros países ocupatos por Alemaña no i abió un movimiento popular que los apoyaba tanto, por exemplo en Polonia, Bielorrusia, Grecia, Albania, Serbia, etc...), por ixo, que si dicimos que Croacia estió un país titere, tamién lo hemos de posar con España.--EBRO 10:07 19 abi 2009 (UTC)

Ebro, a definizión d'estato satelite u Gubierno titere ye una definizión feita y prou clara, emplegata por toz os istoriadors: (en:Puppet state, es:Gobierno títere). Nomás os istoriadors d'o es:Revisionismo histórico creyen que os países como Croazia, a Serbia colaborazionista, a Franzia de Vichy, etz, no lo yeran. Sobre a resistenzia, ya faremos articlos, y ye berdat ixo que dizes. Ta los países d'America, bi ha a espresión es:República bananera, que ye parexita. --Manuel Trujillo Berges 10:33 19 abi 2009 (UTC)

Si a instauración d'o estato dende fuera ye un criterio u condición pa dicir que ye un estato titere u no, alabez a Croazia d'Ante Palevic estió un estato titere/titella (no se como se diz en aragonés). Alabez, encara que a situación de Croacia estió pa yo diferent (un movimiento nacionalista con muitos adeptos aguardaba a los alemans e italians pa librar-se d'os serbios) ixe movimiento no creyó o estato en o que dimpués bibiban, a diferencia d'a Croacia actual, independient dimpués d'una guerra.--EBRO 10:45 19 abi 2009 (UTC)