Estanyos d'Ixalenques

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Estanyos d'Ixalenques Estanys de Salenques

Administración
País	Aragón
Estau
Provincia
Comarca	Ribagorza
Municipio	Montanui
Cheografía
Tipo
Orichen
Superficie	km²
Superficie	1 ha
Altaria	2.370 m
Longaria	km
Amplaria	km
Fondura	m
Volumen	hm³
Hidrografía
Fuent
Desaugüe	Barranco d'Ixalenques
Desaugües
Mapa

O estanyos d'Ixalenques (en catalán estanys de Salenques) ye un d'estanyo situau en o municipio de Montanui.

Se troban en a vall d'Ixalenques, en o Parque Natural de Pocez-Maladeta, chunto a o cubilar d'el Cap de la Vall.

Toponimia

O nombre autoctono en catalán ribagorzano ye estanys de Salenques, pero por la suya proximidat enta a val de Benás (que tien idiosincracia lingüistica propia) tamién se diz a sobén por o nombre aragonés tradicional estanyos d'Ixalenques.

Iste toponimo procede tanto en benasqués como en catalán d'un tipo de plantas que i son especialment abundants, as ixalencas. A ixalenca («sarguera» en aragonés cheneral, salenca en catalán) ye un tipo d'arbusto d'as riberas, muit frecuent en os ríos d'o Pireneu, que tien os trallos resistents encara que muit flexibles, y por ixo d'antes s'emplegaban pa ligar os trancos d'as navatas que heban de baixar por os ríos.

A parola ixalenca viene d'una forma hipotetica *SALENCA en latín y amuestra a misma evolución fonetica que ixaringa, ixufre, ixarrallón y ixoriguer, a on a S- inicial d'o latín ha evolucionau ta una x-. Se piensa que a terminación -enca fa de sufixo igual como en albenca.^[1] A parola salenca se documenta tamién en catalán y en occitán (bi ha una carrera en Tolosa que se diz Carrièra de las Salencas en occitán y Rue des Salengues en francés).