Planeta

Fila superior: Urano e Neptuno; fila zentral: Tierra, a estrela enana blanca Sirius B, Benus. Abaixo d'os anteriors se beyen en a fila superior Marte e Mercurio e en a fila inferior: a Luna e as planetas enanas Plutón e Haumea (á escala)

Una planeta ye un cuerpo sin de luz propia (que no ye, por tanto una estrela) que chira arredol d'una estrela; que tien forma esferica, u cuasi esferica (ya que en tener prou masa, la suya grabedat supera las fuerzas d'o cuerpo richido); e que ye o elemento prenzipal aintro d'a suya orbita; seguntes a definizión d'a reunión d'a Unión Astronomica Internazional de Praga, de l'año 2006. Asinas, se diz planeta á cadagún d'os cuerpos que describen orbitas elipticas arredol d'o Sol u, en cheneral, d'una estrela. Son planetas d'o sistema solar: Mercurio, Benus, a Tierra, Marte, Chupiter, Saturno, Urano e Neptuno. No lo son Zeres que se considera una planeta enana, ni Plutón, considerato lo paradigma d'as planetas enanas transneptunianas muitos d'os cualos encara no tienen nombre.