Electromagnetismo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O electromagnetismo ye a branca d'a fisica que estudeya os campos eletromagneticos, unos campos que exercen una fuerza sobre as particlas con carga electrica cuan son afectatos por a presencia y o movimiento d'istas particlas.

O campo magnetico se produz por o movimiento d'as cargas electricas, como por eixemplo en o caso d'a corrient electrica. O campo magnetico produz una fuerza magnetica d'o mesmo tipo que la d'os imans.

Un campo magnetico cuan varía produz un campo electrico: se tracta d'o fenomeno d'a inducción electromagnetica que s'emplega en o funcionamiento d'os cheneradors electricos, os motors electricos y os transformadors. D'una traza parellana, un campo electrico que cambeya chenera un campo magnetico. Como consecuencia d'ista interdependencia entre os campos electricos y magneticos, tien sentito considerar os dos como una unica entidat, u campo eletromagnetico.

Ista unificación fue desembolicata por diferents fisicos en o curso d'o sieglo XIX y tenió lo suyo punto mas important con os treballos de James Clerk Maxwell qui unificó los treballos anteriors en una sola teoría. Dimpués Oliver Heaviside simplificó y reformuló as ecuacions de Maxwell en a forma en que las conoixemos hue. Maxwell descubrió a naturaleza eletromagnetica d'a luz y, como consecuencia, hue se considera que a luz ye una alteración oscilatoria que se propaga en o campo electromagnetico, como una onda electromagnetica. As diferents frecuencias d'oscilación dan orichen a las diferents formas de radiación electromagnetica d'o espectro electromagnetico, dende as ondas de radio a baixas frecuencias a los rayos gamma a las mas altas frecuencias, pasando por a luz visible a frecuencias intermeyas.

As implicacions teoricas d'o electromagnetismo levoron a Albert Einstein a desembolicar a teoría d'a relatividat especial en 1905. O descubrimiento d'a mecanica cuantica obligó a formular una teoría cuantica de l'electromagnetismo, que se completó en a decada de 1940 y conoixita como electrodinamica cuantica.

Datos: Q11406
Multimedia: Electromagnetism / Q11406