James Clerk Maxwell
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| James Clerk Maxwell | |
|---|---|
 O matematico y fisico escocés James Clerk Maxwell. | |
| Información personal | |
| Calendata de naixencia | 13 de chunio de 1831 |
| Puesto de naixencia |  Edimburgo (Escocia)
|
| Calendata de muerte | 5 de noviembre de 1879 |
| Puesto de muerte |  Cambridge (Reino Uniu)
|
| Ocupación | Matematico y fisico |
James Clerk Maxwell (13 de chunio de 1831 – 5 de noviembre de 1879) estió un matematico y fisico teorico escocés. O suyo exito más important estió a formulación d'un conchunto d'equacions eponimas —conoixitas como equacions de Maxwell— que por primera vegata exprisaban as leis basicas d'a electricidat y o magnetismo d'una traza unificata. Tamién desembolicó a distribución de Maxwell, una estatistica que mira de describir aspectos d'a teoría cinetica d'os gases. Istos dos descubrimientos contribuyoron a inaugurar a era d'a fisica moderna, asentando los fundamentos ta os futuros treballos en campos como a relatividat especial y a mecanica quantica. Maxwell ye tamién conoixito por haber creyato a primera camara fotografica de colors combinatos en 1861, por meyo d'o sistema d'a sintesi aditiva.
A mayoría d'a ilustre carrera de Maxwell se desembolicó en a Universidat de Cambridge, a on que as suyas investigacions a sobén feban uso d'a suya aptitut matematica, emplegando elementos d'a cheometría y l'alchebra. Con istas destrezas, Maxwell fue capable de contrimostrar que os campos electrico y magnetico viachan a traviés d'o espacio en forma d'ondas y a la velocidat constant d'a luz. Finalment, en 1861 Maxwell escribió una publicación dividita en quatre partis en o Philosophical Magazine dita "Sobre as linias fisicas de fuerza"[2] a on que proposó en primerías que a luz yera de feito ondulacions en o propio meyo, que ye a causa d'o fenomeno electrico y magnetico.
Maxwell ye considerato por muitos, más que más por aquellos que treballan en o campo d'a fisica, como lo scientifico d'o sieglo XIX que más influyó en a fisica d'o sieglo XX. Muitos consideran que as suyas aportacions a la fisica son d'a mesma mida que as d'Isaac Newton y Albert Einstein.[3] En a enqüesta d'o milenio, una enqüesta que mira de fer una lista d'os 100 fesics más relevants d'a historia, Maxwell fue votato como lo tercer fisico más gran de totz os tiempos, nomás dezaga de Newton y Einstein.[4] En o centenario d'o naixencia de Maxwell, o mesmo Einstein describió lo treballo de Maxwell como a obra "más prefunda y més profeitosa que a fisica ha experimentato dende a epoca de Newton."[5] Einstein teneba una fotografía de Maxwell en a paret d'o suyo estudio, a lo costato de fotografías de Michael Faraday e Newton.[6]
Referencias[editar | modificar o codigo]
- ↑ (en) McFall, Patrick "Brainy young James wasn't so daft after all" al The Sunday Post, 23 d'abril del 2006
- ↑ (en) On Physical Lines of Force
- ↑ (en) Ivan Tolstoy "James Clerk Maxwell: A Biography". Cannongate. Edinburgh. 1981. ISBN 0-86241-010-X
- ↑ (en) [http://news.bbc.co.uk/1/hi/sci/tech/541840.stm bbc.co.uk
- ↑ (en) McFall, Patrick. "Brainy young James wasn't so daft after all". The Sunday Post, 23 d'abril de 2006
- ↑ (en) Robyn Arianrhod. "Einstein's Heroes: Imagining the World through the Language of Mathematics". UQP, revisato por Jane Gleeson-White. The Sydney Morning Herald, 10 de noviembre de 2003.