Corrient electrica

De Biquipedia
Ir ta: navego, busca
Articlo d'os 1000

A corrient electrica ye o fluxo u movimento de cargas electricas, que pueden estar negativas (electrons) u positivas (foratos). A unidat ta la corrient electrica d'o Sistema Internacional d'Unidatz (SI) ye l'amperio (simbolizato como A), que equivale a lo fluxo d'un coulomb de carga por segundo.

Definición[editar | editar código]

A magnitut d'una corrient eletrica en un punto determinato ye a derivata respecto a lo tiempo d'a carga electrica:

I(t) = \dot{Q}(t).

Formalment s'escribe como:

I(t) = {\mathrm{d}Q(t) \over \mathrm{d}t} o de manera inversa com Q(t) = \int_{t_0}^{t} I(t)\, \mathrm{d}t + Q(t_0)

A cantidat de carga Q que fluye por unidat de tiempo t ye I, que ye a intensidat d'a corrient.

Intensidat d'a corrient electrica[editar | editar código]

Decimos intensitat d'a corrient eletrica a la carga Q que pasa por una sección d'un conductor en cada unidat de tiempo establita.

En o SI s'esprisa en C/s, unidat que se diz ampere (A). Si a intensidat ye constant en o tiempo, parlamos d'a corrient contina; en caso contrario, ye l'alterna. Si no se produce almadazenamiento ni disminución de carga en dengún punto d'o conductor, a corrient ye estacionaria.

Como mesurar a intensidat d'a corrient[editar | editar código]

Ta mesurar a intensidat d'a corrient electrica s'emplega un aparato dito amperimetro, iste nombre viene d'ampere que ye a unidat en que se mesura a corrient electrica.

Ta fer a mesura d'a intensidat d'a corrient circulando por l'amperimetro, iste ha de situgar-se en serie, ye decir, en una configuración de conexión que os bornes u terminals d'os dispositivos se conecten seqüencialment, de traza que o dispositivo sía travesato por a corrient. Ixo implica que l'amperimetro ha de tener una resistencia interna lo más chicota posible, ta que no produzca una cayita de tensión apreciable. Por ixo, en o caso d'instrumentos basatos en os efectos eletromagneticos d'a corrient electrica, son dotatos de bobinas de filo grueso y con pocas espiras. En bells casos, ta premitir a mesura d'intensidaz superiors a las que poderban soportar os debanamientos y organos mecanicos de l'aparato sin de destruir-sen, lis se da d'una resistencia de muit chicota valura colocada en paralelo con o debanamiento, de traza que nomás pasará por ista una fracción d'a corrient prencipal. Ista resistencia adicional recibe o nombre de shunt.

Se veiga tamién[editar | editar código]