Particla elemental

De Biquipedia
Ir a la navegación Ir a la búsqueda

En fisica de particlas, una particla elemental ye una particla subatomica sinse substructura,[1] ye dicir, que no se composa d'atras particlas. Entre as particlas consideratas huei elementals, se troban os fermions alazetals (quarks, leptons, antiquarks e antileptons), que en cheneral son "particlas de materia" e "particulas d'antimateria", asinas como los bosons alazetals (bosons gueiches e o bosón de Higgs), que en cheneral son "particlas de fuerza" que meyan as interaccions entre fermions.[1] Una particla que contién dos u mas particlas elementals se diz "particla compuesta".

A materia ordinaria se composa d'atomos, que antigament se creyeban que yeran particlas elementals —de feito, ἄτομος en griego antigo significa "intrestallable"— encara que a existencia de l'atomo remanió qüestionato dica 1905 alto u baixo, ya que bells fisicos importants veyeban as moleculas como ilusions matematicas e a materia como composata zaguerament d'enerchía.[1][2] Os constituyents subatomicos de l'atomo s'identificoron por primera vegada en o escomencipio d'os anyos 1930: o electrón e o protón, chunto con o fotón, a particla d'a radiación electromagnetica.[1] En aquella epoca, a recient arribada d'a mecanica quantica estió cambeando radicalment a concepción d'as particlas, en poder esnavesar una sola particla un campo aparentment como si estase una onda, una paradoxa que encara enguilia una explanicación satisfactoria.[3][4]

Gracias a la teoría quantica, se trobó que os protons e neutrons contienen quarks, quarks alto e quarks debaixo, agora consideratos como particlas elementals.[1] E adintro d'una molecula, os tres graus de libertat d'o electrón (carga, espín e orbital) pueden deseparar-sen, gracias a la función d'onda, en tres quasiparticlas (holón, espinón e orbitón).[5] Manimenos, un electrón libre –ye dicir, uno que no ye orbitando un nuclio atomico e, por tant, li manca movimiento orbital– aparixe intrestallable e remane visto como una particla elemental.[5]

Arredol de 1980, a condición de particla elemental como propiament elemental –ye dicir, como zaguer constituyent d'una substancia– mayoritariament se descartó en aras d'una visión mas practica,[1] incorporato en o Modelo Estandard d'a fisica de particlas, que ye a teoría scientifica con mayor exito experimental.[4][6] Muitas d'as elaboracions ulteriors e teorías dillá d'o Modelo Estandard, inclusa la popular supersimetría, dopla o numero de particlas elementals en hipotetizar que cada particla conoixita s'asocia con una companyera "enfoscata" a-saber-lo mas masiva,[7][8] encara que ditas supercompanyeras continan sin d'estar descubiertas.[6][9] Tanimientres, o bosón elemental que meyarba en a gravedat, o gravitón, contina estando hipotetico.[1] Tamién, como endican as hipotesis, l'espacio-tiempo prebablement siga quantificable; doncas, ye prou prebable que existan "atomos" d'espacio e tiempo por ells mesmos.[10]

Notas e referencias[editar | modificar o codigo]

  1. 1,0 1,1 1,2 1,3 1,4 1,5 1,6 Braibant, Sylvie; Giacomelli, Giorgio; Spurio, Maurizio (2012). Particles and Fundamental Interactions: An introduction to particle physics (2ª ed.) (en anglés). Springer. ISBN 978-94-007-2463-1.
  2. Newburgh, Ronald; Peidle, Joseph; Rueckner, Wolfgang (2006). "Einstein, Perrin, and the reality of atoms: 1905 revisited" (PDF) (en anglés). [American Journal of Physics]. 74 (6): 478–481. Bibcode:2006AmJPh..74..478N. doi:10.1119/1.2188962. Archivato d'o PDF orichinal o 3 d'agosto de 2017. Consultato lo 17 d'agosto de 2013.
  3. Weinert, Friedel (2004). The Scientist as Philosopher: Philosophical consequences of great scientific discoveries (en anglés). Springer. pp. 43, 57–59. Bibcode:2004sapp.book.....W. ISBN 978-3-540-20580-7.
  4. 4,0 4,1 Kuhlmann, Meinard (24 de chulio de 2013). "Physicists debate whether the world is made of particles or fields – or something else entirely" (en anglés). Scientific American.
  5. 5,0 5,1 Merali, Zeeya (18 d'abril de 2012). "Not-quite-so elementary, my dear electron: Fundamental particle 'splits' into quasiparticles, including the new 'orbiton'" (en anglés). Nature. doi:10.1038/nature.2012.10471.
  6. 6,0 6,1 O'Neill, Ian (24 de chulio de 2013). "LHC discovery maims supersymmetry, again". Discovery News. Consultato lo 28 d'agosto de 2013.
  7. "Unsolved mysteries: Supersymmetry" (en anglés). The Particle Adventure. Berkeley Lab. Consultato lo 28 d'agosto de 2013.
  8. Revealing the Hidden Nature of Space and Time: Charting the Course for Elementary Particle Physics (en anglés). National Academies Press. 2006. p. 68. Bibcode:2006rhns.book....... ISBN 978-0-309-66039-6.
  9. "CERN latest data shows no sign of supersymmetry – yet" (en anglés). Phys.org. 25 de chulio de 2013. Consultato lo 28 d'agosto de 2013.
  10. Smolin, Lee (Febrero de 2006). "Atoms of Space and Time" (en anglés). Scientific American. Vol. 16. pp. 82–92. doi:10.1038/scientificamerican0206-82sp.