Desierto d'o Sahara

De Biquipedia
(Reendrezato dende Disierto d'o Sahara)
Ir ta: navego, busca
Articlo d'os 1000

O desierto d'o Sahara (aṣ-Ṣaḥrāʾ al-Kubrà, O Gran Desierto"), ye o desierto mas gran d'o mundo (tien más de 9.065.000 km²), ye localizato en o norte d'Africa y tien mas de 2,5 millons d'anyadas. O suyo nombre deriva d'o arabe sahara صحراء traducción d'a parabra tuareg de Tenere ("desierto"), y que en a Peninsula Iberica ha produeito toponimos d'a familia de Zafra.[1]

Imachen de satelite d'o desierto d'o Sahara

Iste desierto comparte muga con quasi totz os países d'o norte d'Africa, predominant de cultura arabe, antes berber. As dunas prencipian cerca de l'Alto Atlas y s'estendillan dica zonas tropicals más a lo sud. En as costeras de l'Atlas Marroquí (Alto Atlas), nomás bi ha vechetación unos metros más allá d'o curso d'os pobres ríos. Sin dembargo, ista tien una verdor intensa que concara con l'arena redolant. Abundan as palmeras de dátils. Totz os oasis son escanaus, ta guaranciar l'augua en todas as zonas de siembra. Muitas vegadas, l'augua no procede de ríos, procede d'as auguas soterranyas que s'estrayen con pozos.

En Marruecos, s'ofreixen a lo viachero quantas formas de conoixer o Sahara. Talment amás común siga la d'alfonsar-se en o desierto con vehiclos 4x4 trescruzando as dunas. Atra forma más toristica ye muntando dromedarios, y por suposau, a forma tradicional ye ir a piet.

Países[editar | editar código]

O desierto d'o Sahara ocupa territorios d'os siguients países.

Flora y Fauna[editar | editar código]

En o desierto d'o Sahara bi ha d'alto u baixo 2.500 especies de plantas entre as que se troban 1.100 especies de clima mediterranio en a zona d'influencia d'iste clima, en o Sahara meridional mas de 850 y en o Sahara central de clima desertico 500 especies de acacias, palmeras, suculentas, arbustos espinosos y pastos adaptaus a condicions aridas.

O Sahara en a cultura[editar | editar código]

O Sahara ye un buen y espectacular escenario natural ta cintas de cine y de televisión, en ell s'han filmau a saber-lo de cintas y reportaches, d'entre as mas famosas Lawrence of Arabia, d'atras portan o nombre de Sahara como as cintas d'o 1943 con Humphrey Bogart, 1983 con Brooke Shields y 2005 con Penélope Cruz.

Esporte[editar | editar código]

En o desierto d'o Sahara ye un lugar a on se organizan competicions esportivas por o suyo component d'aventura. A competicion mes conoixita yera o Rally París-Dakar que feba un recorrido d'ende París, pero en as suyas zagueras edicions se feba de bell atra ciudat europea, dica Dakar en o Senegal, fendo bellas etapas por o desierto d'o Sahara. Iste rally fue organizato en Africa dende o anyo 1979 dica 2008, dende iste anyo a competicion se celebra en Sudamerica.[2]

Tamién se organizan cursas a piet como La Marathon des dunes, en Alcheria,[3] a Maratón d'o Sahara organizata en o Sahara Occidental, con o suyo recorrido integro por o desierto d'o Sahara.[4] y a preba d'ultrafondo Sultan Maratón des Sables, una cursa de 250 km por etapes.[5]

Bibliografía[editar | editar código]

  • Julivert, Manuel y VVAA. El Sáhara: tierras, pueblos y culturas. Universidat de Valencia, 2003. ISBN 978-84-3705-798-9.
  • CHERKAOUI, Mohamed. El Sáhara, vínculos sociales y retos geoestratégicos. The Bardwell Press, 2008.ISBN 978-1-905622-17-7.
  • Gearon, Eamonn. The Sahara: A Cultural History. Signal Books, UK, 2011.
  • Scott, Chris. Sahara Overland. Trailblazer Guides, 2005.

Referencias[editar | editar código]

  1. Giese, Wilhelm (1934) Azagra. Revista Internacional de los Estudios Vascos = Revue Internationale des Etudes Basques (25). pp. 699-700.
  2. Cronolochia d'o Rally París-Dakar 1979/2010.
  3. (en)/(fr) Pachina web oficial d'a Marathon des dunes.
  4. Pachina web oficial d'a maratón d'o Sahara.
  5. Pachina web oficial d'a Maratón des Sables.

Vinclos externos[editar | editar código]