Cygnus cygnus

De Biquipedia
Ir a la navegación Ir a la búsqueda
Cygnus cygnus
Cygnus cygnus Singschwan.jpg
Un cisne charraire (Cygnus cygnus).
Denominacions populars
cisne charraire
Estato de conservación
Status iucn2.3 LC.svg
Seguro (IUCN)
Clasificación scientifica
Animalia
Chordata
Aves
Anseriformes
Anatidae
Cygnus
C. cygnus
Descripción
Cygnus cygnus
Linnaeus, 1758
Distribución cheografica
Cygnus-cygnus.png
Distribución d'o cisne charraire.

O cisne charraire[1] (Cygnus cygnus (Linnaeus, 1758)[2]) ye una au d'a orden d'os Anseriformes y familia Anatidae que mide una longaria de 140 a 165 centimetros y una envergadura de 205 a 275 cm. Lo peso gosa estar en o rango de 7,4 a 14,0 kilogramos, con un promeyo de 9,8 a 11,4 kg pa los masclos y de 8,2 a 9,2 kg pa las fembras. Se considera una d'as aus voladeras mas pesadas.

Os cisnes charraires requieren grans arias d'augua pa vivir, especialment quan encara son creixendo, perque as suyas patas no pueden endurar o peso d'o suyo cuerpo mientres largos periodos de tiempo. Lo cisne charraire pasa gran parti d'o suyo tiempo nadando, filtrando l'augua en busca de virolla u minchando plantas que creixen en o fondo.

Os cisnes charraires emiten un canto fundo y, a pesar d'a suya grandaria, son poderosos voladors. Os cisnes charraires pueden migrar cients u mesmo mils de kilometros dica os suyos puestos d'hibernada en o sud d'Europa y l'este d'Asia.

Os cisnes charraires s'emparellan de per vida y as crietas se quedan con ells tot l'hibierno; a vegadas se les unen descendents d'anyos anteriors. O suyo habitat de reproducción preferiu son as paúls, pero as aus semidomesticadas construyirán un niedo en qualsequier puesto amán de l'augua. Tanto lo masclo como la fembra aduyan a construyir o niedo, y lo masclo cosirará lo niedo mientres a fembra coba. A fembra gosa meter de 4 a 7 uegos (excepcionalment 12).

O cisne charraire ye l'au nacional de Finlandia dende 1981.

Referencias[editar | modificar o codigo]

  1. (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.120
  2. (en) Jobling, James A (2010). The Helm Dictionary of Scientific Bird Names. London: Christopher Helm. p. 128. ISBN 978-1-4081-2501-4.

Vinclos externos[editar | modificar o codigo]