Contact (cinta)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre una cinta estausunidense de 1997; ta atros usos, se veiga Contact.

Contact
Póster d'a cinta.
Ficha tecnica
Dirección	Robert Zemeckis
Producción	Robert Zemeckis Steve Starkey
Guión	James V. Hart Michael Goldenberg
Musica	Alan Silvestri
Fotografía	Don Burgess
Montache	Arthur Schmidt
Actors	Jodie Foster Matthew McConaughey James Woods John Hurt Tom Skerritt Angela Bassett
Datos y cifras
País(es)	Estaus Unius
Anyo	1997
Debantadera	5 de chulio de 1997 Estaus Unius
Chenero(s)	Cine de ciencia-ficción
Durada	150 min.
Idioma(s)	Anglés
Companyías
Productora(s)	South Side Amusement Company
Distribución	Warner Bros.
Presupuesto	90 millons de dólars
Informacions en bases de datos especializadas:

Contact ye una cinta estausunidense de cine de ciencia ficción de l'anyo 1997, dirichida por Robert Zemeckis y producida por Robert Zemeckis y Steve Starkey con guión de James V. Hart y Michael Goldenberg, protagonizada por Jodie Foster, Matthew McConaughey, James Woods, John Hurt, Tom Skerritt y Angela Bassett.

Contact ye una adaptación cinematografica d'a novela homonima de Carl Sagan de 1985; Sagan y a suya esposa Ann Druyan escribioron l'esquema de l'historia d'a cinta. Jodie Foster interpreta a la protagonista d'a cinta, a Dra. Eleanor Ellie Arroway, una cientifica de SETI que troba prebas solidas de vida extraterrestre y ye trigada pa fer o primer contacto. A cinta presenta de traza destacada una serie de puestos dedicaus a l'investigación y exploración espacial, a saber, o Very Large Array en Nuevo Mexico, o radiotelescopio d'Arecibo en Puerto Rico u l'estación espacial Mir.

Carl Sagan y Ann Druyan prencipioron a treballar en a cinta en 1979. Chuntos, escribioron un tractamiento cinematografico de mas de 100 pachinas y establioron Contact en Warner Bros. con Peter Guber y Lynda Obst como productors. Cuan o desembolique d'a cinta s'estancó, Sagan publicó Contact como novela en 1985, y l'adaptación cinematografica se rechovenexió en 1989. Roland Joffé y George Miller heban planiau endrezar-la, pero Joffé se retiró en 1993, y Warner Bros. despidió a Miller en 1995. Robert Zemeckis estió finalment achustau pa endrezar, y o rodache de Contact duró dende setiembre de 1996 dica febrero de 1997. Sony Pictures Imageworks s'encargó d'a mayoría d'as secuencias d'efectos visuals.

A cinta estió lanzada l'11 de chulio de 1997. Contact replegó mas de $ 171 millons en toz. A cinta ganó o premio Hugo a la millor presentación dramatica y recibió numbrosos premios y nominacions en os premios Saturn.

Reparto

• Jodie Foster como Dr. Eleanor "Ellie" Ann Arroway
• Jena Malone como choven Ellie
• Matthew McConaughey como Palmer Joss
• David Morse como Theodore Arroway
• Tom Skerritt como Dr. David Drumlin
• James Woods como Michael Kitz
• John Hurt como S. R. Hadden
• William Fichtner como Kent Clarke
• Angela Bassett como Rachel Constantine
• Jake Busey como Joseph
• Rob Lowe como Richard Rank
• Geoffrey Blake como Fisher
• Max Martini como Willie
• Steven Ford como Major John Russell

Argumento

A Dra. Ellie Arroway treballa pa o programa SETI en l'Observatorio d'Arecibo en Puerto Rico. Guiada ent'a ciencia y a comunicación, prencipiando con a radioafición, por su pai, agora feneixiu, escuita as emisions de radio de l'espacio, con a esperanza de trobar evidencia de vida extraterrestre. David Drumlin, l'asesor cientifico d'o president d'os Estaus Unius, retira os fondos de SETI perque creye que l'esfuerzo ye de raso inutil. Arroway obtiene o respaldo de Hadden Industries, dirichida por o silencioso industrial multimillonario S. R. Hadden, lo que le permite continar o prochecto en o Very Large Array (VLA) en Nuevo Mexico.

Cuatro anyadas mas tardi, arredol de 1996, con Drumlin buscando trancar o programa SETI, Arroway descubre un sinyal que repite una secuencia de numeros primos, aparentment ninviada dende o sistema estelar Vega a uns 26 anyos luz de distancia. Iste anuncio fa que Drumlin y o Consello de Seguranza Nacional endrezau por Michael Kitz intenten prener o control de l'instalación. L'equipo d'Arroway descubre un video amagau en o sinyal: o discurso d'obridura d'Adolf Hitler en os Chuegos Olimpicos de 1936 en Berlín, Alemanya. Arroway y o suyo equipo plegan que iste haberba estau o primer sinyal lo suficientment fuerte como pa deixar l'ionosfera d'a Tierra, arribar a Vega y estar transmitida de tornada.

O prochecto ye sozmetiu a una estricta seguranza y o suyo progreso se sigue en tot o mundo. Arroway troba que o sinyal tamién contiene mas de 63.000 pachinas de datos indescifrables. O solitario S. R. Hadden s'achunta en secreto con Arroway pa proporcionar os meyos pa decodificar as pachinas. As pachinas revelan esquemas d' una maquina complexa que se determina que ye una especie de transporte pa un solenco ocupant.

As nacions d'o mundo financian a construcción d'a maquina en o Centro Espacial Kennedy en Cabo Canyaveral. S'ensambla un panel internacional pa esleyer un candidato pa viachar en a maquina. Encara que Arroway ye una d'as favoritas, as suyas esperanzas se veyen frustradas por o filosofo cristiano Palmer Joss, un miembro d'o panel qui Arroway conoixió y con qui s'embolicó breument en Puerto Rico. Cuan clama a ficacio sobre o suyo ateísmo, o panel selecciona a Drumlin, como mas representativo de l'humanidat. Cuan a maquina se preba por primera vegada, un terrorista relichioso la destruye en un atentau suicida, matando a Drumlin y a cuantos atros.

Un Hadden malauto de cancer, que agora reside en a estación espacial Mir, le revela a Arroway que a suya companyía i heba fabricau en secreto una segunda maquina en Chapón y que Arroway será l'indicada pa viachar. Equipau con cuantos dispositivos de gravación, Arroway ingresa en a capsula d' a maquina, que dimpués se deixa cayer por tres aniellos que chiran rapidament, lo que fa que a capsula aparentment viache a traviés d'una serie de foratos de cuco. Arroway veye una estructura semellant a una matriz en Vega y sinyals d'una civilización abanzada en unatra planeta. Luego se troba en una placha, semellant a una imachen de a suya nineza que fazió de Pensacola, Florida, y s'amana una figura que se converte en o suyo pai feneixiu. Arroway lo reconoixe como un extraterrestre que adopta a forma d'o suyo pai y intenta fer preguntas. L'extraterrestre le diz que o paisache y a forma familiars s'utilizoron pa facilitar-le o suyo primer contacto y que iste viache estió solament o primer trango de l'humanidat pa unir-se a atras especies espaciales.

Arroway caye inconscient cuan prencipia a viachar de tornada a traviés d'un forato de cuco. Se dispierta y se troba en o suelo d'a capsula, l'equipo de control d'a misión la clama repetidament. Ella s'entera de que, dende difuera d'a maquina, pareix que a capsula simplament cayió a traviés d'os aniellos d'a maquina y aterrizó en una ret de seguranza. Manimenos, Arroway insiste en que va estar difuera mientres bellas 18 horas, pero os suyos dispositivos de gravación solament amuestran rudio. Se forma un Comité d'o Congreso y especula que o sinyal y a maquina estioron una trapaza disenyada por l'agora feneixiu Hadden. Arroway le pide a lo comité que accepte a verdat d'o suyo testimonio sobre a fe. En una conversa privada, Kitz y a funcionaria d'a Casa Blanca, Rachel Constantine, reflexionan sobre l'información confidencial que, encara que o dispositivo de gravación d'Arroway solament rechistró rudio estatico, lo fació per 18 horas. Arroway y Joss s'achuntan y Arroway recibe refirme financiero contino en o VLA.

Se veiga tamién

• Cine en 1997.
• Cintas de 1997.

Vinclos externos

• Se veigan as imáchens de Commons sobre Contact.
• (en) Pachina web oficial de Contact.
• (en) Contact en Internet Movie Database.

• Datos: Q270215
• Multimedia: Contact (1997 American film) / Q270215