Colechiata de Santa María la Mayor d'Abiego

Colechiata de Santa María la Mayor d'Abiego
Colechiata de Colechiata de Santa María la Mayor
Situación cheografica
Estau
País	Aragón

Situación	Abiego (Semontano de Balbastro)
Adreza	Pl. Iglesia, 1, 22143
Coordenatas
Archidiocesi
Diocesi	Uesca
Arcipestrau	Semontano-Sobrarbe
Información cheneral
Advocación	Santa María
Culto
Orden
Rector
Vicario parroquial
2.º Vicario parroquial
Mosen
Propietario
Administrador
Director
Coste	{{{coste}}}
Visitable
Altaria
Pisos
Amplaria
Largaria
Superficie
Diametro
Aforo
Altaria s.l.m.
Atras
Alcance
Iluminación
Potencia
Arquitectura
Tipo	Colechiata
Estilo	Gotico
Función
Catalogación
Materials
Construcción
Construcción	Sieglo XVI
Fundador
Inicio
Fin
Devantadera
Destrucción
Equipo disenyador
Arquitecto	Chuan de Torón
Incheniero estructural
Incheniero de servicios
Incheniero civil
Atros
Premios
Pachina web
Localización
Colechiata de Santa María la Mayor d'Abiego Colechiata de Santa María la Mayor d'Abiego en Aragón

A colechiata de Santa María la Mayor d'Abiego ye una colechiata, asinas como templo parroquial catolico situada en a localidat d'Abiego (Semontano de Balbastro, Uesca). Perteneixe a la diocesi de Uesca y l'arcipestrau de Semontano-Sobrarbe.

Historia

En o vago que ocupa hue a colechiata i habió una mesquita y un castiello arabe que dimpués d'a suya conquista pasó a estar fortaleza cristiana. A construcción d'a ilesia romanica orichinal que se trobaba en iste puesto prencipió en o sieglo XI. D'ista primitiva ilesia encara quedan restas en os piez de l'actual edificio y en a torre, que teneba una función defensiva. L'edificio gotico se construyirá entre os anyos 1500 y 1525. En zaguerías d'ixe mesmo sieglo XVI l'arquitecto Chuan de Torón dirichió a construcción de l'abside, transepto y sagristía.

Ya en o sieglo XIX prencipió en 1881 una restauración d'as bovedas y en 1883 l'alongamiento d'o coro alto. En o primer cuarto d'o sieglo XX se i facioron mas obras pa ubrir a sagristía, baldosar o solero y sacar o pulpito de piedra que heba construyiu Chuan de Torón. S'eliminó tamién a pintura de l'interior.

En a Guerra Civil i habió danyos que suponioron a destrucción parcial d'os suyos biens inmuebles. A zaguera restauración de l'exterior de l'edificio se fació en l'anyo 1999, habilitando tamién l'acceso elevau d'a torre a la cambra medieval.

Descripción

Ilesia de planta en cruz latina de 26,1 m de largaria. O transepto mide 19,2 m, puyando a nau principal dica os 9,6 m d'altaria, con una amplaria de 6,4 m. L'abside ye poligonal y tien cinco costaus.

O prencipal material emplegau en a suya construcción estió a piedra panal, estando emplegau tamién o ladriello en a galería superior d'arcos y en o cuerpo superior d'a torre.

A ilesia orichinal romanica d'o sieglo XI, sobre a que se troba l'actual edificio d'o sieglo XVI, yera una ilesia d'una unica nau cubierta con vuelta de canyón y abside semicircular, con una torre campanar fortificada y adosada a la iglesia en o costau de l'evanchelio. Se troban marcas de cantero en a zona de l'atrio.

En o suyo interior a ilesia ye cubierta por vuelta de crucería estrelada en toz os suyos trampos, que fue esviellada en 1880 dimpués d'un esvoldregamiento. I hai dos capiellas irregulars que no se troban situadas entre os contrafuertes.

L'acceso prencipal a l'edificio se fa por o costau d'a epistola. L'atrio y a portalada tardorrenacentista son posteriors a la obra de Chuan de Torón.

A suya torre ye de planta rectangular, estando os cuerpos inferiors de factura medieval, construyius en piedra picada. Os cuerpos superiors son d'o sieglo XVI, construyius en ladriello. A estructura ye rematada en finestrals de meyo punto, tamién d'o sieglo XVI. Ye una torre que en o suyo orichen se trobaba fortificada como puet deducir-se d'o suyo acceso elevau 3 m.