Sagristía
![](http://upload.wikimedia.org/wikipedia/commons/thumb/0/04/Dom_Sakristei_Brixen_2005-12-13.jpg/300px-Dom_Sakristei_Brixen_2005-12-13.jpg)
A sagristía[1] u sacristía[1] (d'o latín sacre, sagrado) ye o puesto a on se revisten os mosens y a on son alzaus os ornamentos y atras cosas perteneixients a o culto.[2]
Descripción[editar | modificar o codigo]
Os objectos necesarios pa a misa guardaus en a sagristía son, por eixemplo, hostias sin consagrar, calices, casullas, augua, manuterchio, etc. Gosa estar zarrada a o publico encara que a vegadas ye visitable como parti d'o conchunto molimental d'una ilesia u seu.[3] En especial ye empleau por o mosen y atros oficiants como puesto pa reyalizar as preparacions necesarias y pa habillar-se antis y dimpués d'a misa. A sagristía ye por un regular a cargo d'un sagristán.[4]
O rechistro parroquial se conserva a sobén en a sagristía.
As sagristías tienen habitualment una pileta especial, o sacrarium, con un ixauguadero que va dreitament ta o solero. En ista pileta se lavan os lienzos emplegaus mientres a celebración d'a misa y atros obchectos usaus mientres a comunión.
Normalment ye situada adintro d'a ilesia, pero puet trobar-se en un anexo u en un edificio deseparau (como en bels monesterios). En a mayoría d'as ilesias antigas a sagristía se troba amán d'un d'os retablos laterals u mas a sobén dezaga u a un costau d'o retablo mayor. En ilesias mas modernas a sagristía se troba muitas vegadas en atro puesto, como a dentrada d'a ilesia.
Bellas ilesias poseyen mas d'una sagristía, cadaguna d'as cualas tendrá una función especifica. A sobén as sagristías adicionals son emplegadas pa o mantenimiento d'a ilesia y os suyos obchectos, como velas, etc.
En as ilesias cristianas d'orient, s'emplega a parti d'a ilesia a on se troba l'altar, deseparada por l'ikonostasis, por o que no existe una sagristía como tal.
Enolochía[editar | modificar o codigo]
A vegadas se conoixe asinas a o puesto a on s'alzan os vins mas preciaus u os consumius por a familia propietaria d'a bodega.[5]
Referencias[editar | modificar o codigo]
- ↑ 1,0 1,1 (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
- ↑ (es) Sacristía. Diccionario d'a RAE
- ↑ (es) Hispalis.net
- ↑ (it) Dizionario di erudizione storico-ecclesiastica. Vol. LX. Gaetano Moroni. Pach. 154-162. Venecia, 1853
- ↑ (es) Bodegas de Jerez venden el vino de sacristía. El País, 13 d'octubre de 1999