Cimex lectularius

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Cimex lectularius
Fembra adulta
Denominacions populars
Chinche, chincha[1]
Estau de conservación

Seguro (IUCN)
Clasificación cientifica
Eukaryota
Animalia
Arthropoda
Insecta
Hemiptera
Heteroptera
Cimicidae
Cimex
C. lectularius
Descripción
Cimex lectularius
L., 1758

A chinche (d'o latín <CIMEX, -ICIS; Cimex lectularius L., 1758) ye un insecto hemiptero de a familia Cimicidae.

Se conoix especialment por estar una especie hematofaga, parasita externa d'os sers humans y d'atros vertebraus homeotermos, que a sobén habita en a ropa, especialment a d'os leitos, y en as alfombras, sofás y atros muebles, que fa servir ta cubillo dende a on que amaneix de nueitz ta fizar a las suyas presas.

Descripción[editar | modificar o codigo]

A chinche ye un insecto muit chiquinín, de nomás bels milimetros de largo, que no vive de perén sobre o huespet, sino que acude t'a on que iste ye y le fiza, retirando-se dimpués ta tornar a amagar-se. Ye capable ta pasar-se semanas u dica meses sin tornar a incherir gota mas de sangre, sumindo-se en un estau de letarchia.

En a forma adulta no tiene alas. Como toz os hemipteros, tiene metamorfosi incompleta u hemimetabola, o que quiere dicir que no tiene larvas, sino que os chiquinins naixen ya d'o uevo con forma semellant a la de l'adulto, o que se conoix cono nimfa.

Imáchens[editar | modificar o codigo]

Referencias[editar | modificar o codigo]

  1. (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p.140

Vinclos externos[editar | modificar o codigo]