Ciconia nigra

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Ciconia nigra
Unas cigüenyas negras (Ciconia nigra).
Denominacions populars
cigüenya negra
Estau de conservación

Seguro (IUCN)
Clasificación cientifica
Animalia
Chordata
Aves
Ciconiiformes
Ciconiidae
Ciconia
C. nigra
Descripción
Ciconia nigra
Linnaeus, 1758
Distribución cheografica
Distribución d'a cigüenya negra.

A cigüenya negra[1] (Ciconia nigra (Linnaeus, 1758)[2]) ye una au d'a orden d'os Ciconiiformes y familia Ciconiidae que mide un promeyo de 95 a 100 cm dende a punta d'o pico dica la coda con una envergadura de 145 a 155 cm, a cigüenya negra adulta tien sobretot plomache negro, con partis inferiors blancas, patas largas de color roya y un pico royo punchigudo y luengo. Una especie extendida pero miqueta comuna, se reproduz en puestos dispersos per tota Europa (predominantment en Portugal y Espanya, y partis central y oriental), y l'este dica l'Oceano Pacifico. Ye una au migrant de larga distancia, con poblacions europeas que pasan l'hibierno en l'Africa subsahariana tropical y poblacions asiaticas en o subcontinent indio. En migrar entre Europa y Africa, priva cruciar a mar Mediterrania y esbarrar-se per l'Estreito de Chibraltar en l'ueste. Una población aislada, no migratoria, se troba en o sud d'Africa.

A diferencia d'a cigüenya estreitament relacionada, a cigüenya negra ye una especie timida y cautelosa. Se veye sola u en parellas, per un regular en redoladas paulencas, ríos u auguas interiors. S'alimenta d'amfibios, peixes chicoz y insectos, cheneralment vadiando china-chana en auguas mica fundas aguaitando a las suyas presas. As parellas reproductoras per un regular construyen niedos en grans arbols forestals, per lo cheneral caducifolios pero tamién coniferos, que se pueden veyer dende largas distancias, asinas como en grans penyas u baixo salients colgants en arias montanyosas. A fembra mete de dos a cinco uegos de color blanca grisenca, que s'emporcan con o tiempo en o niedo. A cova prene de 32 a 38 días, con toz dos sexos compartindo as quefers, y l'emplumau prene de 60 a 71 días.

Referencias[editar | modificar o codigo]

  1. (an) Rafel Vidaller Tricas: Libro de As Matas y Os Animals; Dizionario aragonés d'espezies animals y bechetals,Ed. Val d'Onsera, 2004, ISBN 978-84-8986-235-7, p. 118
  2. (la) Linnaeus, Carl (1758). Systema naturae per regna tria naturae, secundum classes, ordines, genera, species, cum characteribus, differentiis, synonymis, locis. Tomus I. Editio decima, reformata. Holmiae: (Laurentii Salvii). p. 142.

Vinclos externos[editar | modificar o codigo]