Chuan V Paleologo

Chuan V Paleologo
Emperador d'o Imperio Bizantín
Emperador d'o Imperio Bizantín
1341-1391
Predecesor	Andronico III Paleologo
Succesor	Manuel II Paleologo
Naixencia	18 de chunio de 1332
Muerte	16 de febrero de 1391 Constantinoble (Imperio bizantín)
Dinastía	Dinastía d'os Paleologos
Pai	Andronico III Paleologo
Mai	Ana de Saboya

Chuan V Paleologo (Ιωάννης Παλαιολόγος en griego, Ioannēs V Palaiologos en latín) ye naixito o 18 de chunio de 1332 de Didymoteicho y morió o 16 de febrero de 1391 en Costantinoble. Estió emperador d'o Imperio bizantín en tres periodos de tiempo diferents. Yera fillo d'Andronico III Paleologo y d'a suya muller Ana de Savoya (filla d'Amadeu V de Savoya y María de Brabant).

Quan Chuan V s'asentó en a cadiera imperial a la muerte d'o suyo pai quan teneba 9 anyadas, o Imperio se reduciba a Costantinoble, Tracia, Salonica y bellas islas d'a mar Echea, (os atros territorios los heban conquiestos os serbios u bulgaros u yeran en a practica autonomos, como Morea). Chuan V miró l'aduya de Roma en 1355, 1366 y 1369.

Plegó a fer actos protocolarios pa la profesión de fe catolica romana, y n'estos actos o suyo interprete estió Nicolau de Drenopoli, que dimpués treballaría pa Chuan Ferrández d'Heredia en o suyo taller de traductors.

En tiempos de Chuan V (1341-1391) os turcos otomans entroron en os Balcans ya de pa cutio, dirichitos por Murat I y conquirioron Tracia, Filinopolis y Adrianopoli, preferindo dedicar-se a la conquiesta de territorios en os Balcans en cuenta de conquerir a ciudat de Costantinoble. Os turcos otomans iban abanzando en a conquiesta d'os Balcans, vencendo a los serbios o 15 de chunio de 1389 en a batalla de Kosovo y poco dimpués a los bulgaros.

Bibliografía

• Miguel A Ladero Quesada: Historia Universal, Edad Media. Vicens Vives