Chipón

Un chipón.

O chipón u chupón ye una prenda de vestir desusada, difuera de bells vestius tipicos, que s'emplegó muito entre os sieglos XV, XVI y XVII. En bells puestos de l'Alto Aragón, se continó fendo servir versions una miqueta más modernas y pa muller dica o sieglo XIX y primerías d'o sieglo XX, y por ixo se troba incluito en o vestiu tipico femenino de qualques vals.

Descripción

Ye una prenda zarrada dende o cuello dica la cintura y ligada por debant, con botons u pasadors, que pueden estar numerosos y chicotz. As mangas son tipicament más amplas en o codo que en as punyetas y os huembros, o qual fa os brazos pareixer curvos.

Puede tener cuello u no tener-ne. En os chipons d'hombre d'o Renaiximiento, o cuello se zarraba sobre una engoladura. A camisa que se lievaba debaixo soleba tener engolaus. Bells chipons han manteniu o caracteristico cuello estreito d'ixas envueltas, pero tamién i ha versions que han mudau ta fer-lo más ubierto u mesmo adoptón o escote, especialment entre os femenins.

Os chipons pueden tener o cabo d'abaixo más ubierto y suelto que a resta, a qual cosa se conoix como «faldetas». Isto fa aparentar una curronera más ampla.

Imáchens

• 

  Chipón de mangas acuchilladas d'a decada de 1620.

• 

  Conchunto d'hombre de 1627 feito de chipón y valons.

• 

  Chipón de dama con cuello ubierto, ta vestir con gorguera.

• 

  O chipón, lievau debaixo d'un mantón u bella mantilla (sobre os huembros), feba parte d'es vestuaches que lievaban as mullers d'os Pireneus dica o sieglo XIX.

Se veiga tamién

• Chustillo.
• Blusa.
• Cotilla.
• Saya.
• Refaixo.
• Inagua.
• Mandil.
• Calza.
  • Calzón.
  • Calcetas.
• Pedazos.
  • Abarqueras.
• Abarca.

Vinclos externos

• Se veigan as imáchens de Commons sobre chipons.