Cotilla

Una cotilla d'os anyos 1770.

A cotilla (diminutivo de cota) yera una prenda de vestir femenina dimanada de o chustillo anque reforzada que s'emplegó a partir d'o sieglo XVI. Cubriba o torso d'a muller, achustando-se contra la blusa que se soleba lievar debaixo, y diba dende os huembros dica poquet más t'alto d'a cintura. Se ligaba por debant.

A cotilla yera una prenda más tova y levera que o corset, a lo qual dio oríchen en o sieglo XVIII, por o qual se podeba lievar de cutiano. Se ligaba por debant, y ixo ye una diferencia crucial con o corset, que amaneixería con o estretimiento d'a moral sexual en o sieglo XVIII: o corset nomás se podeba ligar con l'achuda d'unatra persona; una criada, una asistent u un hombre, mientres que con a cotilla lo podeba fer a propia muller, sola.

Se veiga tamién

• Chustillo.
• Corset.
• Blusa.
• Blusón.
• Chipón.
• Saya.
• Calzón.
  • Calciellas.
• Camaliga.
• Valons (prenda).
• Marinetas.
• Pedazos.
  • Abarqueras.
• Abarca.

Vinclos externos

• Se veigan as imáchens de Commons sobre cotillas.