Albarca

Iste articlo ye sobre un tipo de calcero; ta atros usos, se veiga abarca (desambigación).

Un par d'albarcas.

L'albarca u abarca ye un tipo chenerico de calcers simples que dimanan d'o medio rural, fetos de materias primas economicas y fácils de conseguir como o cuiro u o caucho, especialment pa fer-ne la suela, y a piel d'animals u dieferents tipos de telas resistents pa fer-ne as partes cubrideras d'o piet.

Bels tipos d'albarcas a sobén no amagan sique os didos y o calcanyar, y pa asegurar-las s'ha de ligar contra lo clavillar y as canillas con uns cordels que se diz albarqueras. En as zonas secas tamién existe albarcas fetas de materials que se putren si se mullan, como o esparto.

Diferents formas d'albarcas fan parte d'o vertiu tipico de muitas rechions europeas, por haber estau os calcers tipicos d'as clases populars (camparols, pastors, pescataires, etc.) de cuasi todas ellas. Un eixemplo de tipo d'albarcas que fan parte d'un vestiu tipico son as apargatas u espartenyas, tipicas d'o vestiu aragonés d'a val d'Ebro.

Imáchens

• 
  Grabau de contrabandista gascón d'o sieglo XIX, con albarcas.
• 
  Albarcas tipicas balears u avarques.
• 
  Albarcas tipicas bascas u abarkak.
• 
  Vendedor ambulant d'albarcas tipicas d'a Catalunya d'o Norte u espadrilles.

Se veiga tamién

• Apargata.
• Polaina.
• Bota.
• Zapato.

Vinclos externos

• Se veigan as imáchens de Commons sobre albarcas.

• Datos: Q2743044
• Multimedia: Albarcas / Q2743044