Chenero gramatical

De Biquipedia
Ir a la navegación Ir a la búsqueda
Este articlo tracta sobre o chenero que ye un accident gramatical de muitas luengas. Ta altros emplegos d'a palabra se veiga Chenero (desambigación).

O chenero gramatical ye un sistema de clasificación nominal que bi ha en qualques luengas en que os elementos nominals se clasifican dentro un numero mugau de clases pa las que bi ha reglas de concordancia.

En as luengas indoeuropeas o numero de cheners ye entre dos y tres, por un regular masculín, feminín y neutro, y cadagún concierta con una flexión. N'atras luengas o numero de clases nominals puet superar la decena.

O chenero ye una propiedat lingüistica n'un idioma y no indica necesariament o sexo biolochico, encara que en qualques idiomas un u més cheneros s'empleguen pa un d'os sexos biolochicos.

O chenero gramatical en latín[editar | editar código]

En a luenga latina bi heba tres cheners: masculín, feminín y neutro. A mayoría d'as palabras de chenero masculín terminaban en -US, as femininas en -A y as neutras en -UM, encara que bi heba quantas excepcions, como tamién en as luengas romances actuals.

En latín vulgar[editar | editar código]

En latín vulgar o tardán, o chenero neutro desapareixió, probablement por no tener dengún significau semantico especial, y tamién por a evolución fonetica que fació desapareixer a diferencia entre as terminacions d'os cheneros masculín y neutro. Por ixo, a mayoría d'as palabras orichinalment neutras en latín clasico, fusionoron con o chenero masculín en as luengas romances, y beluna con o feminín. Ye menester de mencionar que a terminación plural d'as palabras neutras en latín yera, regularment, una -A (por eixemplo FOLIUM > FOLIA), d'a que en as luengas romances evolucionoron palabras singulars de chenero feminin; por eixemplo: FOLIA > fuella (realment: 'fuellas').

En aragonés[editar | editar código]

Gnome-searchtool.svg
Ta más detalles, veyer l'articlo chenero gramatical en aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O chenero gramatical en aragonés se puet clasificar seguntes diferents grupos de palabras.

As palabras que derivan d'a segunda declinación u asimiladas a la segunda conchugación gosan estar masculinas:

As palabras que derivan d'a primera declinación gosan estar femininas:

  • FILIA(M) > filla

Bi ha plurals neutros asimilaus a la primera declinación que esdevienen singulars de chenero feminín:

As palabras terminadas en -or son femininas:

Os arbols frutals por un regular terminan en -era, sufixo que deriva d'o latín -ARIA y tienen por un regular chenero feminín:

Por extensión a mata que produce bell fruito aproveitable tamién puet terminar en -era y ye de chenero feminín:

O chenero d'os ríos ye variable seguntes o río.

  • Muitos que terminan en -a tienen chenero feminín: a Cinca/a Cinga, a Cinqueta, a Garona, L'Arba, a Noguera, a Isuela, La Uecha, La Uerba, etc... Este zaguero se clamaba en lenguache d'o sieglo XVI río de la Uerba.
  • Muitos que provienen d'a segunda y tercera declinacions tienen chenero masculín: L'Ebro, O Galligo, O Flumen, L'Alcanadre.

En castellán[editar | editar código]

Gnome-searchtool.svg
Ta más detalles, veyer l'articlo chenero gramatical en castellánveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O chenero gramatical en castellán distingue en os sustantivos, adchectivos, articlos y qualques pronombres presonals entre chenero masculín y chenero feminín. Manimenos tamién existen restos d'o chenero neutro d'orichen latín, pero limitau a lo pronombre presonal (ello), l'articlo definiu (lo), os quantificadors (cuanto, cuánto, tanto), os pronombres demostrativos (esto, eso, aquello) y bell pronombre indefiniu (algo, nada, todo).

O chenero d'os sustantivos[editar | editar código]

Muitas vegadas se puet deducir o chenero d'as palabras seguntes as suyas terminacions.

Son de chenero masculín
  • cheneralment as palabras terminadas en -o, -or, -n (libro, valor, corazón, ecetra.)
  • os sustantivos d'orichen grecolatin terminaus en -ma y -ta (poema, panorama, planeta, poeta, ecetra.)
  • as palabras relacionadas con os hombres, animals masculins, profesions masculinas, ecetra. (panadero, conductor, padre ecetra.)
  • os nombres de ríos, vals, mars, ecetra.
  • os nombres de dias d'a semana u d'o mes.
  • os toponimos y nombres cheograficos que no terminan en -a.
Son de chenero feminín
  • cheneralment as palabras terminadas en -a (casa, puerta, ventana, ecetra.)
  • as palabras relacionadas con as mullers, animals feminins, profesions feminins, ecetra. (madre, vaca, modelo, ecetra.)
  • totas as parablas terminadas en -dad u -tad, -tud, -ción, -sión y -xión (calidad, juventud, canción, pasión, flexión, ecetra.).
  • os toponimos y nombres cheograficos que terminan en -a.
Bell eixemplo como excepcions
  • palabra que termina en -o, pero ye feminina: mano
  • palabras que terminan en -a, pero son masculinas: día, mapa, tequila, ecetra.
Palabras invariables en chenero

En castellán bi ha palabras, sobretot que significan profesions, que no varían en chenero. En iste caso nomás l'articlo definiu u l'adchectivo marca o suyo chenero:

  • palabras terminadas en -ista: el periodista, la periodista
  • palabras terminadas en -nte: el cantante, la cantante; el presidente, la presidente (encara que existe tamién a forma moderna la presidenta).
  • altros eixemplos: el joven, la joven (encara que existe a forma dialectal la jovena); el juez, la juez (tamién existe a forma poco usual la jueza).
Palabras de chenero ambigo
  • Bi ha bell sustantivo en castellán que se puet usar como masculins y feminins tamién, por eixemplo: el mar, la mar (a segunda forma ye més poetica).
  • En ocasions, una palabra puet usar-se como masculina en singular y feminina en plural: el arte histórico, pero las bellas artes.
Palabras homonimas con significaus que varían seguntes o chenero
  • el capital ('fondo monetario') y la capital ('ciudat prencipal')
  • el orden ('colocación u clasificación de cosas', 'institución relichiosa') y la orden ('mandato que s'ha d'executar'), ecetra.

O chenero d'os pronombres, articlos y quantificadors[editar | editar código]

A diferencia d'os sustantivos, os pronombres, articlos definius y os quantificadors pueden tener chenero neutro, antimás d'o masculín y feminín. En iste caso, a terminación masculina ye -e o consonant (este, ese, aquel, él, el), a feminina ye -a (esta, esa, aquella, la, ella) y lo neutro ye -o (esto, eso, aquello, lo, ello, algo, todo, cuanto, tanto).

Como os adchectivos no tienen formas especificas o terminacions ta lo chenero neutro, a forma en que deben concordarse con ellos no difiere d'a masculina. Eixemplos: lo malo; algo bueno; esto es verdadero.


O chenero gramatical en aragonés y atras luengas romances
O chenero gramatical en galaico-portugués | o chenero gramatical en astur-leyonés | o chenero gramatical en castellán | o chenero gramatical en aragonés | o chenero gramatical en catalán | o chenero gramatical en occitán | o chenero gramatical en francés | o chenero gramatical en italián | o chenero gramatical en rumán