Chamaeleonidae

Chamaeleonidae
Chamaeleo jacksonii
Denominacions populars
camalions
Clasificación cientifica
Reino:	Animalia
Subreino:	Vertebrata
Filo:	Chordata
Clase:	Reptilia
Orden:	Squamata
Suborden:	Lacertilia
Familia:	Chamaeleonidae
Distribución cheografica
Distribución de Chamaeleonidae

Os camalions^[1] (nombre cientifico Chamaeleonidae) son una familia de reptils de l'orden Squamata y suborden Lacertilia con unas especializacions muito caracteristicas. Son cazadors d'insectos y chicoz invertebraus con una luenga extensible y con a tecnica de camuflar-se en l'entorno con movimientos lentos y cambiando de color (metacrosi). Se distribuyen sobre tot por Africa y Asia, con un centro de gran diversificación en Madagascar, son tamién presents en determinaus puestos d'o sud d'Europa.

Zoonimia

O suyo nombre en latín significa león de suelo (chamai significa en o suelo en griego).

En l'aragonés actual no bi ha denominacions vernaclas porque esta familia no se troba distribuita en l'Alto Aragón. A pronunciación teorica camalión con hiato desfeito ye documentada en o "Libro d'as Marabillas d'o Mundo":

Et si ay assi b(ie)n en esta t(ier)ra muchos de cameliones / et son chicas besteletas como cherones saluages et va siemp(re) la boca obierta por q(ue) eilla biue de laire & no come nj beue souue(n)t et cambia & muda souent su color / Car vna vez la vee ho(m)bre duna color & otra vez dot(r)a / Et se puede cambiar en todas colores q(ue) eilla q(u)iere si no q(ue) en vermeilla & en bla(n)ca / ay assi b(ie)n alli s(er)pientes grandes & grosas de .vj. [^xx] piedes de luengo /