Biodiversidat

De Biquipedia
Ir ta: navego, busca
Anvista d'una selva en la ribera de lo río Gambia en lo Parque Nacional de Niokolo-Koba, en Senegal, eixemplo de puesto d'alta biodiversidat situau en lo tropico.

Biodiversidat ye lo grau de variación de los sers vivos. Ye una mesura de la variedat d'organismos presents en diferents ecosistemas. Se puet referir a variabilidat chenetica, a la variedat d'ecosistemas u a la variedat d'especies (numero d'especies) en un aria, bioma u en la planeta Tierra. La biodiversidat terrestre tiende a estar la mes gran cerca de lo equador, que pareixe estar resultau de lo clima calido y l'alta productividat primaria. La biodiversidat no se distribuye igual en la planeta Tierra, en los tropicos ye mes gran. La biodiversidat marina tiende a estar la mes gran en las costas de lo Pacifico occidental, a on la temperatura superficial ye la mes gran, en la banda de latitutz meyas de totz los ocians. Bi ha gradients latitudinals en la diversidat d'especies. La biodiversidat tiende a concentrar-se en zonas activas, y ha iu creixendo a traviés de lo tiempo, pero ye probable que siga mes baixa en lo futuro a causa de los problemas medioambientals actuals.

La biodiversidat se puet considerar un recurso natural porque se puet fer servir pa lo profeito nuestro: fuent d'alimentos, materias primas y medicinas.

Perda de biodiversidat[editar | editar código]

En la historia de la Tierra bi ha habiu episodios de gran caita de la biodiversidat que se consideran extincions masivas. En l'actualidat l'actividat humana ha accelerau lo proceso d'extinción d'especies y se considera que se ye producindo una extinción masiva d'orichen antropico. Se considera la perda de biodiversidat como un impacto ambiental, y las causas de perda de biodiversidat se pueden agrupar en sobreexplotación, alteración y destrucción de l'habitat y introducción y substitución d'especies.[1] La extinción d'una especie ye un impacto ambiental irreversible.

Introducción y substitución de especies[editar | editar código]

Gnome-searchtool.svg
Ta más detalles, veyer l'articlo Especie introdueitaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Gnome-searchtool.svg
Ta más detalles, veyer l'articlo Especies introdueitas en Aragónveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Gnome-searchtool.svg
Ta más detalles, veyer l'articlo Mundialización d'especiesveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].
Lo musclo zebra ye una especie invasiva introdueita en Aragón.

La introducción d'especies en ecosistemas a on no yeran presents produce un desequilibrio que afecta a lo ret trofico. La especie que coincide en lo mesmo nicho ecolochico compite por los mesmos recursos y, de las dos especies la que queda en desventalla remata desapareixendo.

En la Peninsula Iberica la introducción de diferents especies de crancos de riu han contribuiu a la regresión de lo cranco de riu autoctono Austropotamobius pallipes. Atras introduccions han iu mes luent que no la simple regresión de la especie con igual nicho y han produeito desequilibrios que han feito un gran impacto en tot un ret trofico, como ye la introducción de lo musclo zebra en l'Ebro, que constituye una bioinvasión.

Sobreexplotación[editar | editar código]

La sobreexplotación fa que un recurso renovable deixe d'estar-ne por un ritmo d'obtención més rapedo que la suya velocidat de renovación. L'hombre primitivo cazataire-recullidor ya fació una sobreexplotación en forma de sobrecaza que condució en Eurasia a la desaparición de la fauna de lo frido pleistocenica. En la cuenca mediterrania la sobreexplotación agraria ya produció los suyos efectos en l'Antiguedat producindo una important erosión de lo suelo. Dimpués de la sobreexplotación agraria encara se puet dar un uso ganadero a lo terreno, lo que remata en un sobrepastoreyo, en mes erosión y en desertificación, como s'ha desveniu en la Depresión de l'Ebro y en las zonas calsinosas de las comunidatz aragonesas de lo Sistema Iberico.

Dende tiempos de lo colonialismo s'ha iu producindo una sobreexplotación creixient que contina en lo mundo industrial actual por la continación de las actividatz anteriors y tamién la sobrepesca, lo comercio ilegal y lo coleccionismo abusivo.

Conservación de la biodiversidat[editar | editar código]

En muitos países bi ha leis pa conservar ciertas especies. A part de leis medioambientals y sobre caza y pesca, tamién bi ha espacios protechius con diferents categorías: parques nacionals, parques naturals, reservas naturals y atras feguras de protección.

La lechislación espanyola y europea contempla la figura de "Paisache Protechiu": partz de lo territorio con valuras naturals, culturals y esteticas que merecen una especial protección. En Aragón en ye eixemplo la Pineta de Rodeno de la Sierra d'Albarrazín.

Una fegura creyada por la UNESCO ye la de "Reserva de la Biosfera" con la fin de protecher determinaus puestos de la planeta d'especial interés a propuesta d'uns quantos países. Las reservas de la biosfera han d'estar representativas d'ecosistemas naturals y han d'estar centros de protección, investigación y ensenyamiento. Un eixemplo de Reserva de la Biosfera en Aragón ye la Reserva de la Biosfera d'Ordesa-Comachibosa.

Referencias[editar | editar código]

  1. (es) Diodora Calvo Aldea, Maria Teresa Molina Álvarez, Joaquín Salvachúa Rodríguez: Ciencias de la tierra y medioambientales. 2º Bachilleraro. 2010 McGraw-Hill, pp 127-129.