Recurso natural

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Parque eolico en La Muela. Lo viento ye un recurso renovable, encara que la producción d'enerchía electrica en los aerocheneradors presente aspectos escuros y polemicos.

Rete d'arrocegamiento con peixes. La pesca yera un recurso renovable dica 1989.

Recurso natural ye tot lo que la humanidat puet obtener de la naturaleza pa satisfer las suyas necesidaz basicas y atras necesidaz que surten de lo suyos deseyos u apetencias.

A valgua economica d'un recurso natural varía d'acuerdo con a suya requesta, que depende d'os intereses y necesidaz d'os humans.

D'alcuerdo con la capacidat de recheneración d'un recurso a escala humana se clasifican en dos tipos: renovables y no renovables.

Los recursos no renovables son en cantidaz fixas en la crosta terrestre y se cheneran en procesos cheolochicos con duradas muito luengas (de escala cheolochica), y no se recheneran a escala humana. En son eixemplos los combustibles fósils (carbón, petrolio, gas natural) y los recursos minerals (fierro, aluminio, arambre, uranio). En relación a los recursos recursos minerals y combustibles fosils, a reserva ye a cantidat d'este recurso que se puet espleitar con rentablidat.

Los recursos renovables no los acotola l'actividat humana. En son eixempls claros la enerchía solar, los vientos y las ondas marinas.

Bels autors distinguen un tercer tipo, los recursos que la humanidat puet acotolar si bi n'ha sobreexplotación u un consumo que sobrepuye la suya capacidat de recheneración, que de feito ya ha esdeveniu en muitos casos. N'esta categoría son la pesca, las selvas, la biodiversidat, l'augua de los ríos y l'aire limpio, tradicionalment consideraus como recursos renovables.

Bibliografía

• Diodora Calvo Aldea, Maria Teresa Molina Álvarez, Joaquín Salvachúa Rodríguez: Ciencias de la tierra y medioambientales. 2º Bachilleraro. 2010 McGrawHill.

• Datos: Q188460
• Multimedia: Natural resources / Q188460