Organismo

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

L'arrecife de coral ye un ecosistema a on que viven muitos sers vivos.

Un organismo, tamién dito ser vivo, ye un conchunto d'atomos y moleculas que forma una estructura material muit organizata y complexa, en a qual intervienen sistemas de comunicación molecular, que se relaciona con o medio ambient con un intercambio de materia y enerchía d'una forma ordenata y que exerce as funcions basicas d'a vida que son a nutrición, a relación y a reproducción, de tal manera que os organismos actúan y funcionan por ells mesmos sin perder o suyo livel estructural.

A materia que forma os organismos ye composata en un 95% por quatre atomos que son o carbonio, hidrocheno, oxicheno y nitrocheno, a partir d'os qualos se forman as moleculas:

• Moleculas organicas u biomoleculas: acidos nucleicos, as proteínas, os glucidos y os lipidos.
• Moleculas inorganicas: augua, sals minerals y gases.

Istas moleculas se repiten constantment aintro d'os sers vivos, por o que l'orichen d'a vida procede d'un antecesor común fa muitos millons d'anyos sobre a Tierra.

Totz os organismos son constituitos por celulas. En l'interior d'istos se realizan as seqüencias de reaccions quimicas necesarias ta la vida.

Clasificacion d'os organismos

• Cytota (sers celulars).
  • Prokaryota.
    • Archaea (arqueas).
    • Bacteria (bacterias).
  • Eukaryota.
    • Animalia (animals).
    • Plantae (plantas).
    • Fungi (fongos).
    • Protista (protozoos, algas y bella floridura).
• Acytota (seres no celulars).
  • Prion (priones).
  • Akamara.
    • Euviria (virus, viroides).
    • Viroida (virus satélites, virusoides, virofagos, plasmidos y transposons).